أرز بالبسلة والجزر واللحمة المفرومة وجبه غنيه بالكثير من الفيتامينات والفوائد، فمن فوائد البسله أنها تعزز من مناعة الجسم و تقي من سرطان المعدة وتخفف من حدة التهاب المفاصل وتساعد في الحماية من الزهايمر و تعمل على تقوية العظام وتقي من أمراض القلب، أما فوائد الجزر للجسم بشكل عام فهو يعمل كمطهر فعال للأمعاء، ومفيد للسعال ونزلات البرد والإنفلونزا، ومدر للبول، ومقاوم للأورام السرطانية، وعلاج لأمراض القلب والشرايين وأيضا تحسين صحة الفم والعين، ما عن فوائد الأرز مصدر للطاقة كما إنه مصدر للألياف الغذائية ومصدر للبروتين ومصدر للمغنيسيوم والمنغنيز ومصدر لفيتامينات ب، كما أنه يحمى من الزهايمر، اللحم المفروم مصدر جيد ومهم للبروتين، إذ يحتوي على فيتامين (B 12) الذي يساعد في تكوين خلايا الدم الحمراء، كما أن اللحم المفروم مصدر للزنك والسيلينيوم من أجل نظام مناعة قوي. ويمد الجسم بالمكملات الغذائية من الفيتامينات والمعادن. ويفضل دائماً استخدام لحم البقر في المفروم، لاحتوائه على كمية لا بأس بها من السعرات الحرارية.
المقادير اللازمة لعمل أرز بالبسلة والجزر واللحمة المفرومة
2 كوب أرز( بسمتى او مصرى)
مكعب مرقة
نص كيلو لحمة مفرومة
بصلة كبيرة مفرومة
رشة ملح ورشة فلفل أسود
بهارات لحمة
ربع معلقة صغيرة قرفة
بسلة مجمدة بالجزر حوالى ربع كيلو(البسلة موجودة الأيام دى ف الأسواق يكون أفضل طبعا من المتجمدة )
طريقة عمل أرز بالبسلة والجزر واللحمة المفرومة
1- نغسل الأرز جيدا ويصفى.
2- فى حلة نضع معلقتين كبار سمنة أو زيت وننزل بالرز وهنشوحه .
3-نضع رشة ملح ورشة فلفل أسود ونص معلقة من بهارات اللحمة وربع معلقة صغيرة من القرفة ومكعب المرقة ونقلب.
4- نضع حوالى كوبين ماء مغلية وممكن نحتاج نزود الماء أهم شئ نغطى الأرز ونسيبه على نار عالية لغاية مايشرب مايتة وبعدين نبدأ نوطى النار ونسيبة لغاية مايستوى .
5- فى حلة متوسطة الحجم نضع معلقتين كبار سمنة ونضع البصله المفرومة ونشوحها .
6- نضع اللحمة المفرومة ونقلب ونبدأ نهدى النار.
7-نضيف البسلة بالجزر وننزل بالملح والفلفل الأسود ونص معلقة من بهارات اللحمة وربع معلقة صغيرة قرفة، تترك حتى تبدأ البسلة تدبل بعدين هنضيف نصف كوب ماء ونغطيها ونهدى النار ونسيب اللحمة تستوى مع البسلة والجزر.
طريقة تقديك الأرز بالبسلة والجزر واللحمة المفرومة
الطريقة الأولى ممكن نخلط الرز مع اللحمة بالبسلة ونغرفه ونقدمه عادى .
أما الطريقة الأشيك والأحلى فى التقديم فى طبق غويط ندهنة دهنة خفيفة بالزيت وننزل بشوية لوز او اى مكسرات بعدين ننزل بخليط اللحمة بالبسلة والجزر ونضغطها كويس بعدين ننزل بالأرز بعد ما استوى ونضغط ونساوى من فوق بعدين نقلب الطبق فى طبق التقديم.
ملحوظة
لو البسلة فريش مش متخزنة ممكن تدوها تشويحة كدة مع معلقة سمنة و بصلاية صغيرة مفرومة وجزر مكعبات صغيرة وبعد ما تتشوح نضيف لها شوية ماية صغيرين ونسيبهاتدبل شوية على نار هادية بعدين نضيفها للحمة ونقلبها فيها
مقدار البسلة نقدر نزوده على حسب الرغبة ونقدر نحط شوربة على الارز بدل مكعب المرقة.
ممكن عمل البسله لوحدها واللحم المفروم لوحده ثم يرص فى طبقات مع الأرز
