شاورما فراخ أو لحمة

بسم الله الرحمن الرحيم

3/ 4 كيلو صدور فراخ أو لحمة فيليه
2 فصوص حبّهان مفروم
ملعقة صغيرة بهارات
فصين ثوم مفروم
1/ 4 كوب خل
عصير ليمونة
كوب زبادي
ملح وفلفل

كوب طحينة
فصين ثوم مفروم
1/ 4 كوب عصير ليمون
2 ملعقة كبيرة زبادي

طريقةعمل شاورما فراخ أو لحمة بطريقة سهلة:
1- اخلطي كل المكونات (الزبادي- الخل- الثوم- ليمون- بهارات- ملح وفلفل- حبهان) ولو حسيتي إنها جافة شوية ممكن تحطّي عليها ملعقة زيت.

2- قطّعي الفراخ أو اللحمة شرايح رفيعة، وحطّيهم على التتبيلة، وقلّبيها كويس، وسيبيها في التتبيلة في الثلاجة لمدة 8 ساعات أو ممكن تسيبيها طول الليل.

3- بعد كده طلّعيها من التلاجة، وشوّحيها في حلة صغيرة أو طاسة كبيرة لمدة 45 دقيقة أو لحد ما تستوي.

4- لو حسّيتي إنها نشفت شوية أثناء التسوية ممكن تحطّي شوية ميه صغيرين، بس خلّي بالك إنها ماتستويش أوي علشان الصوص اللي فيها ما ينشفش.

5- في الوقت ده حضّري الصوص اللي هتقدّميه مع الشاورما، وكل اللي عليكي إنك تخلطي كل مكونات الصوص مع بعض، وتقلبيهم كويس وقدّميه مع الشاورما.