إعلان
إعلان
أطباق رئيسيه

الكشري المصري .. أوعى وشك !!

إعلان

السلام عليكم و رحمة الله و بركاته

اليوم جايبلكم طريقة الكشري المصري الأصيل .. و ده أحد الأكلات المحبوبة جداً في مصر .. و طبعاً للكشري أكثر من طريقة .. لكن الطريقة دي .. مالهاااااااااااااااش حل .. كشري محلاتي :) .. على مسئوليتي !!

المكونات


رز مصري (صغير)
عدس اصفر
عدس بجبة ( بني او اسود معرفش غير المصريين بسموه ايه بس احنا بنسميه بجبه وهو النوع الثاني من العدس غير الاصفر )
خواتم
شعريه

الطريقة :

اول حاجه نقطع البصل شرائح طويلة بعدين نقليه في زيت كتيييييير .. يعني نخلي الزيت غزير شويه يحيث يغطي البصل ويفضل يكون زيت ذرة ..
الزيت الي قلينا فيه البصل ده هو الزيت ده الي هنستخدمه بعد كده في طبخ الكشري عشان يبقى مشبع بطعم البصل ..

ملحوظه مهمه اوي ودي من اسرار المحلات وفرقت معايا كتير في الطعم فاضافة لاستخدم زيت البصل فالبصل نفسه بنغطيه الاول بدقيق قبل مانقليه خاصه لو لسه جديد يعني في اول موسمه لما بيبقى البصل مليان مية مش ناشف زي آخر الموسم .. عن نفسي حطيته في كيس نايلون فيه شويه دقيق وهزيت الكيس كويس اوي لما كل قطعه بصل تغطت .. طبعا فككت البصل من بعضه بحيث ميبقاش كتل وانما شرائح رفيعه وغطيتها كلها بالدقيق بعدين قليت ..

إعلان

نقلي البصل في الزيت لغاية ما يبقى بني غامق مش اسود .. الاسود ده يبقى اتحرق .. البني الغامق او المائل للغامق هو ده المطلوب .. نطلعه على ورق نشاف او مصفاه زي ماتحبوا وبكده تكون التقلية جاهزه وانتهينا من اول خطوة ..

الخطوة الثانية بنجيب العدس ابو جبه ونغسله ونحطه في حله على النار مع ماء كافي للسلق وملعقة ولا اثنين من زيت التقلية .. الماء ده هو نفسه اللي هنستخدمه بعد كده في سلق الرز . شفتم الحرفنة :) :) ..

بعد مايستوي العدس كويس اوي ( طبعا اضفنا له شويه ملح صغيرين اثناء السلق) بعد ماينضج تماما نرفعه من الحله وناخذ نفس المية الباقية ونجهز شويه رز مغسولين عليهم شويه عدس اصفر ومخلوطين على بعض نقلب الرز والعدس في ملعقتين زيت من بتوع البصل ونستمر في التقليب شويه عشان يطلع مفلفل ثم نضيف ماء سلق العدس .. طبعا نراعي الكميات يعني نحط كمية الماء مناسبة لكمية الرز بالظبط كأننا بنطبخ رز عادي ومنزودش عشان ميعجنش ..

في المرحلة دي لمن لا يتقن طبخ الرز خاصه المفلفل مفيش مانع بعد مايغلي نغطيه ونحط تحته صاجه او البتاعه الي بيحطوها عشان يستوي الرز تحت الحلة دي :) :) ..

وعلى فكره ممكن تسلق معاهم العدس ابو جبه برضه ثاني او تخليه لوحدده تحطه وقت الغرف بس .. عن نفسي حطيت العدس الاسود معاهم بعد ما انسلق بس المحلات مبتعملش كده كله بيبقى لوحده ..

اثناء نضج الرز اسلق شويه مكرونه ( صغيرييييين ) مع شويه زيت صغيرين وشويه ملح وبعد ماتستوي المكرونه كويس نغسلها بماء بارد بعدين نقلبها مع معلقتين زيت من زيت قلي البصل .. عن نفسي محطيتش زيت على المكرونه بعد ماسلقتها واكتفيت بالزيت الي انسلقت فيه ..

برضه مفيش مانع نحمر ملعقتين تلاته شعريه في شويه زيت من زيت البصل لغايه ماتبقى ذهبية بعدين نضيف لها شويه مية وتنتوفة ملح ونسيبها تستوي كام دقيقة تنفع مع الكشري برضه ..

نلاحظ اننا نستخدم كميات صغيره من كل مكون لان في النهايه هتطلع لنا حلة كبييييييييرة والكشري عامه لو بات مينفعش يتاكل فنحط مثلا كباية رز على نصف كبايه عدس اسود على نصف كباية عدس اصفر على نصف او ربع كوب وهكذا ..

نيجي لغرف العدس بقى ..

سهله اكيد الكل عارفها زي بتوع المحلات :) :) :) ..

ناخذ شويه رز بعدس .. نخبط المغرفة في الحله .. نحط عليهم شويه عدس اصفر .. نخبط خبطتين تاني .. نجيب شويه وعليهم شويه شعريه واخيرا التقلية على الوجه .. ومفيش مانع ابدا من اضافة بعض الحمص الكبير ( شامي ) مسلوق على الوش ..

الطريقة دي جهنمية وزي كشري المحلات بالظبط .. جربوها وادعوا لي ..

كنت هنسى طبعا لازم جنب الكشري سلطه وصلصة .. الصلصة بقى سهله جدا .. نجيب شويه سمنه ونقدحهم على النار .. ملعقتين تلاته ويفضل طماطم مضروبه في الخلاط كويس احسن .. نسيبهم يغلوا شويه مع ملعقة ولا اثنين خل . شويه ملح وفلفل وشطه وتبقى الصلصه جاهزه وبالهنا والشفا .. وعلى احيانا بحط على الكشري كتشب وبيمشي الحال ..

أرجو أن الطريقة تكون عجبتكم .. و مستني آرائكم فيها !!

تحياتي

اظهر المزيد

مقالات ذات صلة

‫6 تعليقات

  1. تسلم يا اخى على الطريقة الجميلة

    هى تقريبا نفس طريقتى مع الاختلاف فى انى لا اسقى الارز بماء العدس بجبه

    لانى ما بحب يطلع شكل الارز غامق

    انما بسقى بماء عادى وبضع ملعقة كركم بتخلى شكل الكشرى اصفر

    ايضا طريقتى فى الصلصة بضع فى الخلاط الطماطم والفلفل الحار وبصلة وفصين ثوم وملح وفلفل وخل وكمون وكسببرة ناشفة وملعقة زيت كل ده فى الخلاط ثم على النار

    كل الشكر لك

  2. الأخت الكريمة روني ..

    أشكرك على المرور .. والاضافة .. بارك الله فيكي

    و الكركم ممكن يدي طعم حلو كمان .. بس الطريقة اللي انا ذكرتها .. معظم محلات الكشري بيتبعوها ..

    كل سنة و حضرتك طيبة ..

    و ألف هنا و شفا

  3. بصراحة طبق رائع

    مين مايحبش الكشرى

    انا بعمله كده ولكن الرز بماء لوحده مثل رونى

    وايضا بستخدم زيت قلى البصل فى الكشرى نفسه

    بيعطى طعم رائع

    وشكرا لك ولوصفك الدقيق للطبق [/size]

  4. أهلاً أهلاً أختي الكريمة المحبة للرسول ..

    أتفضل مدي إيديك .. بيتك و مطرحك .. بس أوعي تكتري من الصلصة .. أحسن شطة حبتين :) :)

    إن شاء الله نحط في قسم الحلويات المهلبية و الرز بلبن .. علشان يبقى الحلو بتاع الكشري :)

    تحياتي

  5. أهلاً أهلاً بلأخت الكريمة .. نانو ..

    أشكرك على المرور و الإضافة .. و طبعاً لكل إنسان لمسات ختصة في الأكل .. و علشان كده بيتقال إن الأكل نفس :) :)

    تحياتي و تقديري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى