وصفة لتطويل الشعر مجربة مني شخصيا

تجربة احدى الاخوات تقول :
بغيتكم دعيو معايا راني مخنوقه وحالتي الله لي عالم بيها دعيو معاياا ربي يفرج عليا راني تنفرح مني تنلقا شي بنت دعات معايا

مانكثرش عليكم
تجيبو رابعه حلبه انا شريتها مطحونه والا بغيتو ديروها صاينه عادي
وتشريو قرعه ديال زيت الروميه ديال الذرى

بحال دابا لتر واحد نقصو منو زوج كيسان زيت طيبو بيهم شي مسيمنات وملاوي وخلو الباقي في قرعه وضيفو عليه الحلبه كلها وخلوها عشر ايام كل يوم حركو القرعه
في العاشر امكن تحلو القرعه وتبداو تستعملو الزيت
انا كنت تنديرو مع الحنه ونخليه في شعر ربعات الساعات
ونتوما ختارو الطريقه لي بغيتو ومعاش بغيتو تخلطوه
غيرر هو حاجه وحده راحه ريحة الحلبه واك واك اعباد الله هههههه
انا كنت تنبخر شعري وتنرش عليه ريحه ديال الشعر مني نشفو باش ماتبقاش فيه الريحه وخا هكاك تنشمها في شعري
ولكن راها تطول الشعررررررررر تبارك الله ماشاء الله كنت تنديرها مره في الاسبوع مني تنبغي نمشي الحمام
اما دابا ماكينش حمام هنا لانه الحمام تيساعد ريحه حلبه تمشي من الشعر