نقاء وتفتيح لأجمل وجه مشرق

بجد ديه وصفه متجربة وان شاء الله تجيب نتيجة لكل البنات المقبلين على الزواج
هى مش وصفة واحده هما تلت وصفات ممكن تستخدميهم مع بعض وممكن تستخدمى اللى تعجبك فيهم
وصفات النهارده كلها مبنية على الصنفرة لطبقات الجلد الميتة او الغامقة

:004: الوصفة الاولى
وهى رز مطحون ( ومش مهم نوعه ) + ماء ورد
وقلبيهم لحد مايوصلو انه يبقى خليط متماسك وحطيه على البشرة لمدة عشر دقايق
وده طبعآ ينفع للجسم كله ( بس لو حتطيه على وشك ابعدى طبعآ عن منطقة العين وده مع اى ماسك تحطيه على وشك لانها منطقة حساسة جدآ )
بعد العشر دقايق افركى الماسك بحركة دائرية
واشطفيه بماء دافئ
وكرريه مرتين اسبوعيآ

:004: الوصفة التانية

وهى عبارة عن خليط الملح + الليمون
وده للمناطق الغامقة فقط زى منطقة الركبة والكوع
اخلطى الملح والليمون وحطيهم على المنطقة الغامقة
وافركيهم بحركة دائرية لمده 5 دقايق
واشطفيه بماء دافئ وكرريه 3 مرات اسبوعيآ

:004: الوصفة التالته

وهى عباره عن خليط الترمس المطحون + اللبن البودرة + ماء ورد
وده للوش بس
بنفس الطريقه اخلطيهم ووزعى الخليط علو وشك بحركة دائرية
وعلى الرقبة من تحت لفوق
واتركى الماسك ربع ساعة
ووكررية مرتين فى الاسبوع

( عايزة اقولك حاجه مهمه وهى ان اى ماسك صنفرة بيبقى قايم اساسا على الحبيبات وحركتها على البشره يعنى لازم يبقى فيه
حبيبات خشنه نوعا ما زى الرمل – الملح – الترمس والرز وغيرهم , المهم انه يكون فيه عنصر خشن من مكوناته واى مكون معاه بيبقى للترطيب )

تانى حاجه وده الاهم ان المناطق الغامقة ديه سببها الاساسى الاحتكاك
يعنى وانتى بتركعى للصلاه ووانتى سانده ايدك على اى مكتب وحاجات كتير ………..وانتى ممكن تتفادى ده بالملابس القطنية
علشان بتبقى ناعمة على البشرة
وكمان بتعمل عازل كويس بين الجلد واى احتكاك
وبكده مش هنحتاج اساسآ لاى وصفات

يارب الوصفات تعجبكو بس بجد هى مفيدة ومتجربه يارب تبقى مفيدة ليكو برده
جربوها وقلولى رأيكم
وتقبلوا فائق احترامى
:h5: