نشيدة ضحكة زماني

كلمات النشيدة
والله ماتوصف غلاك المعاني
ياأمي مكانك في محاجر عيوني
ياروحي وقلبي وضحكة زماني
يافرحة أيامي وبسمة سنيني

مانسى جميلك يابعد كل مالي
بيدك رعيتيني وأخذتي بايديني
حققت لي احلام وأحلى الأماني
وانا اوعدك يمه يانور عيني

مانسى جميلك عطفك الي خذاني
مانسى يدينك بالغلا تحتويني
أوعدك مابعد عنك مهما دهاني
بعدي محال وقلبك يدق فيني

اقول أنا وياك كل الثواني
بكفك تزيح همومي الي تجيني
في ذمتي احتار مدحك لساني
واعجز عن التعبير بس اعذريني

شكري وتقدير وكل امتناني
تستاهله امي في كل حيني