فاكهة 2010 …تفاح أحمر جوه وبره !
مجلة الشباب شهر يوليو 2010 كتبته : مى عبد الله ”التفاحة دى مش هينفع تسبها أحسن هتسود ” .. أكيد كلنا سمعنا الجملة دى كتير لما نقعد قدام طبق الفاكهة ونقطع تفاحة ومنقدرش نكملها ولكن بالغصب لازم نكملها عشان ” هتسود وتبوظ ومش هينفع تتاكل ” … دلوقتى ولا سحر ولا شعوذة التفاح هيبقى أحمر من جوه وبره عشان يحل مشكلة الأكسدة بعد تقطيعه.
شركة بريطانية جديدة اسمها “ساتون” ابتكرت أول بذور نباتية مهجنة تجعل التفاح لونه أحمر من الداخل زى ما هو أحمر من الخارج .. وبكده يكون التفاح مضاد للأكسدة بعد ما يتقطع ولا يتغير لونه إلي السواد زي التفاح العادى ، والتفاح العجيب بدأ ينتشر فى انجلترا بعد ما الأطباء أكدوا إنه صحى زى التفاح العادى تماما ، وبإذن الله وبدون مقاطعة .. بذور التفاح المفتكسة دى هتبدأ تغزو العالم كله فى غضون شهور .
طبعا دى حاجة عظيمة خالص .. بس يا ترى التفاح الرهيب ده لما ينزل مصر الناس ستقبل عليه أم ستعتبره ” بدعة وضلالة ” ؟! وياترى إمتى هنقدر نفتكس حاجة غريبة كده زى الناس إللى قعدت 20 سنة تكتشف بذور التفاح الجديدة ؟! ويا ترى عادى إننا ناكل مشمش بطعم الخوخ وتفاح على شكل برقوق ؟!
حكمتك يارب .. ولسه ياما هنشوف .
مقالات ذات صلة
فضيحة شركة نستله تزلزل الرأي العام العالمي
وداعاً صلاح السعدنى
الصياد للخدمات المنزلية
شهادة الدكتوراه الفخرية وشروطها وفق المنظمة العالمية للتعليم WELO