أطباق رئيسيه

طريقة عمل الرقاق باللحمة المفرومة

بسم الله الرحمن الرحيم

كل عيد وانتن جميعا بخير وصحه وعافيه

انا جايبه لكم النهارده طريقه عمل الرقاق باللحمه المفرومه

علي الطريقه المصريه الاصليه

يللا نقول المقادير والطريقه:

بسم الله نبدأ

المقادير:

8 ورقات رقاق

سمن سايح

مرق لحمه

ربع كيلو لحم مفروم معصج بالبصل والتوابل

الطريقه:

اولا نجيب صينيه متوسطه

وندهنها سمن كويس

وبعدين نبل ورقه رقاق بالمرق كويس

ونحطها بالصينيه حنعمل كده في نصف الورق

نبله بالمرق ونرصه فوق بعض بالصينيه

وبعد كده حنحط اللحمه المعصجه علي الرقاق

وبعدين حنبل باقي الورق ونرصهم فوق اللحم المفرومه

يعني 4 ورقات رقاق ولحمه معصجه و4 ورقات رقاق

وبعدين رشي وش الرقاق بالسمن

ونحط الصينيه بالفرن من تحت زي الكيكه بالظبط

لغايه ما وشها يحمر

ولما تطلع بنحط عليها حوالي مغرفه واحده مرقه

ونغطيها حوالي 5 دقايق وبعدين تقلب وتقطع

ملحوظه لو عايزه الرقاق بيقرمش بعد ما تطلع من الفرن

لا تغطيها ولا تضعي عليها المرقه

يعني اول ما تطلع تقلبيها وتقطعيها

وبالهنا والشفا

جربوه وان شاء الله يعجبكم

مقالات ذات صلة

‫2 تعليقات

  1. شكل الطريقة جميلة
    نجربها بأذن الله

    [IMG]http://www.google.com.eg/url?source=imglanding&ct=img&q=http://files.fatakat.com/2009/9/1252881340.gif&sa=X&ei=LOekUNicK4-6hAetzoDgBg&ved=0CA4Q8wc&usg=AFQjCNGp6qQYhtv0Mzag28FjKSAseookfQ[/IMG]

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى