روستو اللحم

المكونات
عرق تربيانكو
1 حبة بصل مكعبات كبيره
1 حبه جذر شرائح
7 فصوص ثوم صحيح
ملح _ فلفل
1 م ك سمن
4 كوب ماء

الطريقه
هتعملى ثقوب فى اللحم من جميع النواحى وتحطى جواها الثوم..وتربطى قطعة اللحمه بدوباره علشان تحافظى على شكلها اثناء ما بتسويها
هتحطى الصينيه على النار وتسخنى فيها السمن وتحمرى اللحم من جميع النواحى لغاية ما تاخد اللون البنى الفاتح شويه..وحطى الملح والفلفل والبصل والجذر وفص ثوم قلبيهم مع بعص دقيقه..وبعدين الميه

هتغطى الصينيه بفويل.. هتقعد معاكى ساعه وربع تقريبا..باشريها علشان لو الميه نقصت تزوديها علشان متتحرقش..
هتطلعلى اللحمه تستنيها لما تبرد وبعدين فكى الدوباره وقطعيها شرائح رفيعه..الصوص اللى هيطلع اضربيه فى الخلاط وزوديه ملح وفلفل..وسخنيه وعلى التقديم ان شاء الله..