هنبدأ فى خياطة فستان بحماله ومبطن تطبيق عملى على الباترون الأساسى فستان طفلة وهنتعلم ازاى نحول الباترون الأساسى للموديل المطلوب تنفيذه وازاى نحدد طول القماش المطلوب للموديل وبعد كدا نتعلم ازاى نقص ونجمع هذا الموديل وفى النهاية هنقدم لكم بعض الأفكار المشابهة لهذا الموديل وهنتناقش فيها مع بعض على صفحة جنتى على الفيس إن شاء الله
نكتب الخطوات اللى هنعدلها على الباترون الأساسى فستان طفلة فى ورقة
1- تحويل خط كتف الفستان إلى حمالة
2- توسيع حردة الرقبة الأمامية والخلفية
3- توسيع حردة ابط الفستان
4- توسيع ذيل الفستان
5- تغيير طول الحمالة فى الأمام والخلف
طريقة حساب القماش المطلوب فى خياطة فستان طفلة بحمالة
لو القماش عريض عرض 110سم أو 120سم هنقيس أطول قطعة فى الباترون + زيادات الخياطة والناتج هو طول القماش المطلوب لهذا الموديل
- حسب مقاساتى فسوف أحتاج قماش طول 60سم × 110 أو 120عرض
لو القماش عرض 90سم هنقيس طول الأمام والخلف + زيادات الخياطة والناتج هو طول القماش المطلوب لهذا الموديل
- حسب مقاساتى فسوف أحتاج قماش طول 120سم × 80 أو 90 عرض
البطانة نستخدم نفس طول القماش بلون مخالف أو بقماش بطانة ويمكن الاستغناء عن البطانة وعمل البطانه النصفية فقط وهى بتكون لتنظيف الخياطة .
بالنسبة لتزيين الفستان سوف نقدم لكى بعض الأفكار ويمكنك أن تبدعى فيها كما تشائين.
فيديو يوضح طريقة خياطة فستان بحماله ومبطن:
موضوعات أساسية تساعدك فى خياطة فستان
