حركات من المطبخ العالمي – Tortilla Spanola
علشان كلنا بنحب نجدد في أكلاتنا وفي وجباتنا .. خصوصاً لما تكون الوجبات مبتكرة و طعمها حلو و محبب خصوصاً للأطفال .. و طبعاً تماسيح البيت (الرجالة) 🙂
النهاردة أنا قررت أني أبدأ في سلسلة أسمها (حركات من المطبخ العالمي)، والسلسلة دي هاتناول فيها مجموعة من الأطباق من كل قارات العالم .. استراليا و اليابان و روسيا و ايطاليا و الكاريبي و اليوناني و الأوغندي و البرازيلي و الأمريكي و الأنجليزي و كل دول العالم !
وطبعاً مش هأنسى الجماعة اللي بيحبوا الأكلات الخفيفة اللي سعراتها الحرارية قليلة و في الوقت نفسه لذيذة و طعمة، ده غير الأكلات النباتية و الأكلات البحرية و كمان أنواع الخبز المختلفة من كل دول العالم ..
وبرضه مش هاننسى الحلويات و أطباق الحلو والبسكوتات و العصاير ..
بس شرطي الوحيد في استكمال السلسلة .. هو تفاعل الأعضاء العملي .. أنا هأحاول إن شاء الله إني ضيف الأكلات اللي مكوناتها متوفرها .. و تفاعل الأعضاء العملي .. هو التجربة العملية و التنفيذ .. و الرجوع بالتعليق على الأكلات سواء عجبتكم أو ماعجبتكمش .. إن شاء الله هاتعجبكم طبعاً لإني أنا اللي جايبهالكم <<< واخد في نفسي مقلب 🙂 🙂 🙂 النهاردة هأفتتح السلسلة بطبق جميل جداً و شهي جداً .. وممكن يكون عشا ظريف أو سحور لطيف في الشهر الكريم .. طبق النهاردة اسمه [COLOR="Purple"]Tortilla Spanola[/COLOR] وممكن نلاقيه في المطاعم و الاوتيلات باسم الأومليت الأسباني .. [COLOR="Red"]المكونات [/COLOR] ربع فنجال زيت زيتون بكر اسباني + ملعقة صغيرة زيت زيتون (لا يمكن استخدام اي نوع زيت آخر للمحافظة على النكهة) بصلة كبيرة مقطعة مكعبات صغيرة بطاطساية كبيرة مقطعة مكعبات صغيرة ربع ملعقة صغيرة ملح 5 بيضات مضروبين (مخفوقين) [COLOR="Red"]الطريقة[/COLOR] نستخدم مقلاة تيفال نضع فيها ربع فنجال زيت زيتون على نار متوسطة نضع بعد تسخين الزيت مكعبات البصل و البطاطس والملح سويا و نقلبهم سوياً حتى يكون اللون ذهبي مع مراعاة عدم النضج التام - يعني ثلاث ارباع تسوية كده مثلاً نضيف ثلث كمية البيض المضروب حول الأطراف حتى يصل البيض أسفل البطاطس و البصل، يمكن استخدام اداة المطبخ العريضة لذلك، نكرر العملية حتى نضيف كمية البيض كلها عند نضج الطبقة السفلى من البيض مع المحافظة على الوش طري و لزج، نستخدم أداة المطبخ أسفل الأوليت لفك اي التصاق بين المقلاة و بين الطعام نضع طبق فوق المقلاة، ثم نقلب المقلاة بسرعة فوقه، فيكون سطح الأومليت هو الطبقى السفلى الناضجة نقوم بإعادة المقلاة فوق النار، ثم نضيف ملعقة زيت الزيتون الجديد في المقلاة نقوم بتنزيل الاومليت في المقلاة مرة أخرى بحيث يكون السطح الناضج لأعلى، يجب مراعاة الحذر عند إعادة الطبق للمحافظة على شكله نتركه على النار حتى ينضج السطح الملاصق للمقلاة و يتحول للون الذهبي [COLOR="Red"]زمن النضج من 15 إلى 25 دقيقة [/COLOR] تقدم التورتيلا سبانيول ساخنة، و يمكن تقديمها باردة [IMG]http://img3.imageshack.us/img3/614/tortillaspanola.jpg[/IMG] ألف هنا و شفا .. وزي ما قلتلكم .. لازم تجربوه و تقولولي رأيكم علشان نكمل السلسلة 🙂 تحياتي [/CENTER]
[center][color=”darkorchid”][size=”5″]طبق جناااااااان بجد
شكله شهى ولذيذ
ان شاء الله بجربه فى السحور لانى بعمل البطاطس بالبيض ولكن مهروسة
ها أستخدم نفس المكونات ولكن بشكل مختلف وجديد
بجد فكرة الموضوع رائعة حتى نبتعد عن الشكل التقليدى للاكلات بأفكار جديدة
شكرا لك [/size][/color][/center]
أهلاً أهلاً أختي الكريمة نانو
إن شاء يعجبكم الطبق .. بس أوعي تنسي ما تستبدليش زيت الزيتون ..
ومستني رأيك 🙂
تحياتي
[b][color=”darkorchid”][quote] بس أوعي تنسي ما تستبدليش زيت الزيتون [/quote]
ليه كده أنا كنت ناوية اعمله بزيت ذرة
للأسف الاولاد مش بيحبوا طعم زيت الزيتون فى الاكل
كده المشروع وقف [/color][/b]
[b][i][size=”5″][color=”purple”]الطبق شكله شهى
وكنت لسه حقول ممكن نستبدل الزيت بآخر
لانى ما بحب طعم زيت الزيت بس اعتقد ما فيهاش حاجة لو استبدلنا الزيت
اما عن المشروع فهى فكرة جديدة وجريئة ومنتظرين ابداعاتك
شكرا لك[/color][/size][/i][/b]
أهلاً أهلاً الأخوات الفضليات .. نانو و روني ..
شوفو يا جماعة ..
أولاً زيت الزيتون من أفضل الزيوت على الاطلاق لفوائدة الكثيرة و المتعددة .. و طبعاً أنا مش هأتكلم عنه هنا لأن ده مش مكانه .. ممكن نبقى نعمل موضوع تاني عن زيت الزيتون و فوائده .. و للعلم .. في الأكل بيكون طعمه رائع .. بشرط يكون الزيت كويس و طازج ..
ثانياً .. ممكن طبعاً نغير الزيت بزيت آخر كزيت الذرة مثلاً .. و لكن سيتغير طعم الطبق عن طعمه الأصلي .. ولن يكون كما يقدم في الأوتيلات و في اسبانيا بالطبع .. مع العلم بإن هذا الطبق يعتبر من الأطباق الرئيسية على المائدة الاسبانية في الصباح و في العشاء .. و هم يتناولونها في الصباح باردة (يعني اللي يتبقى بالليل .. يدخل التلاجة و الصبح يتاكل) 🙂
المقادير اللي فوق لعدد 2 إلى 4 أفراد .. جربوها على مقدار أقل بزيت الزيتون و قولولي رأيكم فيها .. إن شاء الله تعجبكم
تحياتي و تقديري
لمن لا يحبون زيت الزيتون !!!!
الأخت رواء (مديرنا العام) بارك الله فيها وضعت لنا كل ما يهمنا حول زيت الزيتون في [URL=”http://fkrna.com/vb/showthread.php?t=139″]هذا الموضوع[/URL]
يا جماعة .. لا يوجد أفضل من هذا الزيت .. وياسلام أنا لو بإيدي كنت خليته هو الزيت الوحيد في البيت .. لكن للأسف ساعات الواحد نفسه تهفه على شوية فول بالزيت العادي .. أو لأغراض القلي العادية .. يعني للأسف لابد من شراء غيره من الزيوت ..
إنما أنا عن نفسي .. معظم أكلي بأحط عليه زيت زيتون ..
بالهنا و الشفا 🙂
[center][size=”5″][color=”darkorchid”]ما شاء الله عليك يا محمد
أنا ماسكة الخشب أهو
تسلم أيديك طبق جميل وشكله شهى جداً
إن شاء الله أجربه بعد رمضان
فى انتظار باقى ابداعاتك[/color][/size][/center]
أهلاً أهلاً أختي الغالية .. المحبة للرسول ..
أشكرك على المرور و التعليق .. لكن كده قرديحي ما ينفعش .. لازم تجربي الأكلات و تقوليلنا على رأيك ..
وكل سنة و أنتي و أهلك جميعاً طيبين
تحياتي و تقديري