المطبخ

تجهيزات رمضانية

السلام عليكم ورحمة الله وبركاته
كووووووووووووول سنة وانتم طيبببببببببببببببببين

بما ان باقى يومين على منتصف شعبان ورمضان جاى يجرى[/URL]

بقترح عليكم نخلى الصفحه دى خاصه بالاستعداد لرمضان وكل واحده عندها افكار حلوه تضيفها او تقدر تنقل موضوع حلو يفيد نا كلنا[/URL]

أول حاجه عايزين نعملها ان احنا هنستحضر نيه نأجر عليها فى اى حاجه هنعملها
تانى حاجه هنقسم المده هنشوف ايه الحاجات اللى ممكن تتشال فى الفريزر من دلوقتى وايه الحاجات اللى هنأجلها شويه
هدفنا :
1- توفير الوقت للعباده
2- توفير الفلوووووووس
3- توفير المجهوووووود

[/URL] بصوا بقى من الاشياء اللى حنبتدى نخزنها

– خضار
2- لحوم
3- فاكهه
4- معجنات
5-مشروبات
مثلا الباميه نفرزها عن طريق التبخير والفاصوليا والسله أكيد شيلنها من بدرى طبعا الطماطم ياريت ننجز ونجيبها نغسلها كويس ونحطها على النار تتسبك نص تسبيكه ومعاهعا شوية زيت ذره وشوية ملح وبعدين نضربها فى الخلاط
لما تبرد ونعبيها فى اكياس على اد الاستعمال بس انا بصراحة بجبها واغسلها وانظفها واحفظها فى الفريز كما هى وبالتالى عند الاستعمال بضربها فى الخلاط مباشرة بشعر انها لسه طازجة وما بتاخد وقت
البطاطس : نقليها نص قليه وبرده فى اكياس لزوم الفطار والسحور

مممممممممممممممممممم ايه تانى

طبعا الفاكهة المفروض نكون خزنا المشمش دلوقتى عندنا المانجو سعرها متوسط نقدر نجيبها وننظفها ونحفظها ايه تاننننننننننننننىمين يفكرنا ؟
على فكره يا بنات ياريت نشترى الزبده من دلوقتى لأنها ما شاء الله رخيصه دلوقتى تقريبا بـ12 ج وفى المحلات العاديه ب13 ممكن تسيحى جزء وتشيلى جزء فى الفريزر من غير تسييح لزوم الكحك والحاجات دى وده برده هيوفر وقت وفلوس .
بالنسبه للبقول زى الفول للتدميس برده فى رمضان بيغلى
نشتريه وننقيه وعلشان نحافظ عليه من التسويس نشيله فى درج الثلاجه والعدس زيه والفاصوليا واللوبياوالحمص والفريك والملحوالعطارة

وكمان ممكن نشترى النشا مثلا كيلو ونحطه فى برطمان فى الثلاجه فى الدرج برده والدقيق كمان
ماشى لحد كده كويس اه بالنسبه للبصل ممكن يتعمل فى الكبه او يتقطع ودبل فى سمنه او زيت ذره وملح خفيف ويتعى فى اكياس وفى سنه من السنين عبيته بعد التقطيع على طول وشيلته على الفريزر على طول ولا جراله اى حاجه
بالنسبه للتوم يكون طازه أحسن وعموما التوم الصينى سهل تقشيرة وفرمه على السريع
كمان ممكن نبشر كميه من الجزر ونوزعه لزوم السلطات والحشوات

طولت عليكم مش كده بس استنوا شوية كمانأ

: الللللللحمه

هنجيبها كالأتى :
لحمه قطع للسلق
لحمه بوفتيك
لحمه مفرومه
لحمه ستيك
لحمه للشوى للى تحب شويها فى رمضان وطبعا كل واحده حسب ميزانيتها
اللحمه القطع هتتغسل كويس وتتشال على الفريزر بسرعه
البفتيك هيتبل بالبصل والتوابل اللى تحبيها ويتشال كل كيس عدد قطع على اد استعمالك
اللحمه الستيك ممكن تتبل وممكن تتشال كده
اللحمه المفرومه نعصج كميه ونحط فى كل كيس على اد الاستهلاك ونعمل شويه نفرمهم مع البرغل وتتبيله محترمه وتتعمل كوبيبه وتتحشى باللحمه المعصجه وتترص فى علبه بلاستيك بين كل صف والثانى عازل بلاستيك علشان نطلعها بسهوله طبعا انا مش بقول وصفات بالضبط علشان ده مش مكانها لكن لو فى استفسار عنيه ليكم وانا ليه غيرككككككككككم.

وقبل رمضان بأسبوعين كدة نجيب البلح بتاع الخشاف وننظفه من النوى ونشيله متنظف وجاهز تأخدي منه عالخشاف على طول بدل ما كل يوم تكسري شوية. وكمان تقطعي المشمشية والتين كل واحدة اربع قطع وكذلك القراصية تنظفيها من النوى وتحفظ بالتلاجة جاهزة للاستعمال.

** كمان ممكن نعمل البيتزا بأحجام صغيرة ونحط الحشوة عليها ونسويها نص سوى في الفرن وبعدها نحطها في علب في الفريزر ولما نحتاجها يادوب تفك من التبريد وتدخل الفرن على طول.
** كمان السمبوسك تتجهز وتتحشي باللحم المفروم المعصج مع البقدونس والملح والفلف والبهار وتوضع في أكياس وتوضع بالفريزر وكل يوم تطلعي على قد الحاجة وبتطلع كأنك لسة حشياها.

** كمان ممكن نعصر الليمون بكمية كبيرة ونحطه في قالب الثلج لحد ما يتجمد وبعدين ننقله في أكياس بلاستيك أو في علبة ولما تحتاجيه تطلعي القالب وتذوبيه في كاس به ماء وسكر.

** كمان ممكن تجهزي الشربات بتاع الكنافة والقطايف ولقمة القاضي وتحطيه في برطمان وتخليه في باب الثلاجة جاهز للاستعمال.

العصائر

وخصوصا فى الحر اللى احنا فية

– عرقسوس ومعاه كربوناتو
2- كركديه اسوانى اللى هو غامق قوى كل لونه مايكون اغمق كل مايكون احلى
3- تمر هندى
4- خروب
5- قمر الدين – او تكونى مجهزة مشمش قسماه نصين وحطاه على النار مع السكر لغاية مايستوى وقبل ماتطفى اعصرى نص ليمونة واغليه غلوتين وكده ممكن تاكليه زى ماهو بعد مايسقع زى الكمبوت بالظبط او ممكن تضربيه فى الخلاط وتصفيه وطعمه زى قمر الدين بالظبط واحلى وممكن بعد السوا تشيليه فى الفريزر وتلعى منه على قدك عشان تعملى مهلبيه (( مشمشية )) او عصير قمر الدين زى ما ذكرنا

6- سوبيا – طريقتى المفضلة لبن متلج وجوز هند مبشور وحطيهم فى الخلاط ومعاهم سكر واضربيهم كويس اوى وبعدين صفيهم وممكن تحطى فانيلا بس انا مش بحط والله الطعم حلو جدا وكمان سريع فى 5 دقايق او اقل يبقى عندك اطعم سوبيا ومضمونة مش زى بتاعت الشارع حبيباتى منتظرة منكم كل اللى تفتكر اى حاجة تدخل وتسجلها على طول وان شاء نأجر الثواب بأذن الله

يلا مين أول واحدة حتدخل وتعمل لنا اضافة ميييييييييييييييييييييييييييين

مقالات ذات صلة

‫7 تعليقات

  1. [center][size=”5″]بارك الله فيكى وجزاكى الله خيراً أختى رونى

    أحنا جهزنا الخضار وتم وضعه فى الفريز للاستخدام

    شكراً لكى على النصائح الغالية[/size][/center]

  2. [b][color=”darkorchid”]طيب يا ايمان

    واللحوم والعطارة والمشروبات وشربات الكنافة والقطايف ووووووووووووووووو

    تصورى دى حاجات كتيرة اووووووى

    ربنا يعينا ان ششاء الله

    كل سنة وانت طيبة [/color][/b]

  3. صباح الخير رونى

    فعلا رمضان مش باقي عليه شي

    أنا طريقتي أني بأحضر مع الطبخات اليومية

    مثلا يوم عملت ملوخية جبت الملوخية بزيادة وأنا طريقتي بعد ما بأخرطها بأحط شوية مية على النار وبأخليها تغلي وبعدين بأفور معها الملوخية

    وطبعاً بتكون المية قليلة كتير وبعد هيك أخدت جزء من الملوخية سقطته مع الشوربة وكملت طبخه و3 أجزاء فرزتها وهيك مع اللوبيا والبازيللا والياقطين

    وإن شاء الله راح أحضر الشربات تبع الحلو ولحمة الكبة والشنتسل كمان لازم تنظيف محترم للمطبخ قبل رمضان.

    وشكرا روني على طريقة عمل السوبيا أنا أسمع بالسوبيا بس ولا مرة عرفت شو هي

    رواء

  4. [b][color=”purple”][b]شكرا يا رواء على مرورك الجميل ولكن عرفينا معنى

    اليقطين*************هى الكوسة
    [color=”darkorchid”]طبعا نحن نعرف انها ذكرت فى القرآن شجرة من يطين[/color]
    الشنتسل****؟؟؟؟؟؟؟؟ايه معناها

    اما عن السوبيا

    حتعجبك اوى يا رواء وكفايه قيمتها الغذائية العاليه لوجود اللبن فيها جربيها وقوليلى رايك فيها ان شا ءالله[/b][/color][/b]

  5. [color=”royalblue”][b]مرحبا رونى

    بالنسبة لليقطين هو ابن عمها للكوسا هو من فصيلة القرعيات لونه وشكله بيشه الكوسا بس أكبر منها وقشرته جامدة شوية علشان هيك لازم نقشره منيح قبل ما نطبخه بينعمل متبل وبينعمل مع الشوربات…. خفيف وسهل الهضم .

    أما الشنتسل اللي هو صدور الدجاج أو الديك الرومي بتتقطع شرايح رقيقة زي الستيك وبننقعها في الخل وبعدين بنتبلها وبنغلفها بالبيض والقسماط المطحون وبنقليها…. طبعاأ أنا بأفضل شنتسل الدجاج بيكون أطرى وما بياخد وقت في السوا…

    رواء[/b][/color]

  6. [center][size=”4″][color=”blue”]أهلاً رونى

    لتوفير الوقت فى رمضان يمكن الاستفادة من بواقى أى أكل ونعمل منه أكله جديدة

    بكدة هنكون استفادنا من كل أى أكل موجود ووفرنا فى الميزانية ووفرنا فى الوقت وقدمنا أكله جديدة

    أنا كنت زمان عاملة موضوع بهذا المعنى ممكن نعمله تانى

    وكل واحدة تبتكر أكلات جديدة فيه

    اية رأيك[/color][/size][/center]

  7. [b][size=”5″][color=”magenta”]طبعا ما عنديش مانع لسببين

    الاول توفير فى الميزانية وهذا مش فى رمضان فقط انما على طول

    والثانى انى عن نفسى بستحرم ارمى اى بواقى وبحاول اقدمها يوم تانى بشكل مختلف

    الاول كان زوجى واولادى وخصوصا الاولاد كانوا يتذمروا ويتمردوا وبعدين اتعودوا

    فنحن فى انتظارك ايمان وعايزين ابتكار منك جديد.:004:[/color][/size][/b]

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً
إغلاق
زر الذهاب إلى الأعلى