تربية الأطفال

بنوتك الصغيره كبرت

من اواخر ابتدائى توقعى أن  بنوتك الطفله المدلله اللى كانت تحت ايدك
بقت فى مكان وحال تانى


اولا خدى بالك أن تعاملك معاها هيعمل منها #حاجتين
انسانه سويه وبنت طبيعيه وزوجه ناجحه
او انسانه معقده وزوجه متجبره أو ضعيفه ملهاش قيمه!
تعاملك انتى #الام هو اللي هيحدد مصير بنتك
طيب اتعامل معاها ازاى وازاى احتويها من غير ما اخسرها
اقولك
١-اتكلمى كتييييير معاها
لازم تتعود منك على حسن الاستماع
اتكلمى واسمعى  وعوديها على احترام كلامها ..
بدل ما تدور (وهتلاقى) اللى يسمعها ويوجهها غلط!

٢-احترميها قوووى قدام الناس
بلاش تشتكى منها وبلاش الناس يقولو لها ليه مزعله ماما ..ليه ماما بتشتكى منك
بلاش ترخصيها
لان الحركه دى كفيله انها تبعدكم امياااااااال

٣-احترمى وحدتها أو جنونها أو صوتها أو جسمها ..بلاش تريقه على كل تفصيله فى شخصيتها

٤-ابداى انتى وكلميها عن الدوره الشهريه وعن ازاى تبقى نضيفه وعن انها بقت انسه
ولازم يكون عندها استقلال وشخصيه

٥-لو حكتلك عن أصحابها اللى مش مؤدبين( من وجهه نظرك)  بلاش تزوديها وتعاقبيها ازاى تقعدى معاهم ازاى تسمعيهم!! احترمى انها كلمتك اصلا
وابداى وجهى صح
لو لقتيها مضطربه عاطفيا وبتتكلم عن الصبيان كتير ..متعمليش ازمه وتتهميها بقله الادب
لاااا اسمعيها للآخر وفهميها انها فى مرحله مينفعش فيها علاقات لانها مرفوضه شرعا وهتضرها مستقبلا لان عقلها وقلبها فى مرحله التكوين لسه

٦-علاقتها بربنا من صلاه وقرءان مينفعش تيجى بالاجبار والتهزيئ
هى لو شافتك ملتزمه هتلتزم #فطره
وقت الدوره بقى
حبها للنظافه هيجى منك انتى
متقعديش تشتكى من ريحه عرقها(اللى تغيرت لما بلغت)
وانتى قاعده منعكشه ومش مهتمه بنفسك

لاااااازم نغير مفهوم النضافه الشخصيه
يعنى زمان البنت كانت تستعمل السويت وهى ف الجامعه🤔
دلوقتى هنلاقى بنات فى إعدادى بيستعملوها
ودى #مش_قله_ادب
ده تطور
ابداى وعلميها تعمل حوالين بقها #لووووومحتاجه
و أيدها وتحت ابطها ورجلها لحد الركبه
ولما تدخل جامعه علميها تعمل منطقه البكينى (شعر العانه)
وعلميها أن دى منطقه عوره يعنى لاااااازم تتعلم تعمل لنفسها

لو بنتك مشعره أو ريحه عرقها نفاذه لازم تروحى لطبيب مختص

 احتويها وقت الدوره واستحمليها لو عصبيه وتقبلى اعتذارها
 نضافتها وقت الدوره مهمه جدددددا ااااا
لازم تستحمى كل يوم وتغير الفوطه اكتر من مره
وتلبس شورت فوق الاندر
وتلبس بناطيل غامقه لحد ما تعرف تتحكم وتتمكن من نفسها
وهاتيلها فوط صحيه تحتوى على قطن
علشان تحمى جسمها من الغمقان
ولازم الملابس الداخليه تكون قطن علشان برده جسمها ميتصبغش ويسود
ربنا يحفظ بناتكم ويعدى المرحله دى على خير
جددى النيه انتى بتبنى زوجه وام وامراه صالحه 😊
يعنى مهمتك كام كبرت

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى