ألم غريب في الرأس

السلام عليكم
من حوالي شهرين بتحصلي حاجة غريبة ومش عارفة اروح لدكتور اقوله ايه
هحاول اشرحها
فيه عروق (مش عارفة شرايين وللا اوردة) بتمتد من فوق الحاجبين (في الجبين) وحتى الرأس (يعني عند فروة الرأس من الامام)
كل كام يوم الاقي عرق من دول (سواء اليمين او الشمال) ينفر يعني يبرز للخارج بشكل واضح جداااا
واحس بألم شديد في جبيني من ناحية العرق ده وبيمتد الالم شوية لباقي الوجه في نفس الناحية
ولو حطيت ايدي على العرق ده بحس بالنبض شديد والم في الجلد كأنه محروق
وبيستمر الالم ده كام ساعة ويروح
وبعد كام يوم ييجي تاني في نفس الناحية او الناحية التانية
فيه ناس قالولي ان له علاقة بالضغط (يعني يكون ضغطي عالى) … بس انا بطبيعتي ضغطى منخفض
ياريت لو فيه تفسير للالم ده … لانه مزعج جداااا وما بتنفعش معاه مسكنات الصداع
شكرا ليكم