إعلان
كروشية

ورشة لقطعة مستطيلة كروشيه

إعلان

أخواتي

بما أن الشتاء على الأبواب أنا قلت أعمل لكن ورشة
لقطعة مستطيلة من الكروشيه تصلح للكوفيات أو لشنطة أو لبادي
أو كما تحلو لكن بها الشغل .

هذا هو شكل العمل الذي سيتم تنفيذه

اظهر المزيد

مقالات ذات صلة

‫17 تعليقات

  1. [FONT=Arial][FONT=Arial]

    [/FONT][/SIZE][/FONT][FONT=Arial][FONT=Arial][FONT=Arial]نبدأ بعدد من السلاسل المطلوبة للشغل[/FONT][/SIZE][/FONT]

    [FONT=Arial][FONT=Arial]عند آخر سلسلة نطلع بـ 3 سلاسل بمثابة عمود [/FONT][/SIZE][/FONT]
    [FONT=Arial][FONT=Arial]وبعد كده نعمل على كل سلسلة عمود بلفة عدد 3 [/FONT][/SIZE][/FONT]
    [FONT=Arial][FONT=Arial]كما هو واضح بالصورة [/FONT][/SIZE][/FONT]

  2. تسلمي علي الورشه
    ان شاء الله هعمل من الغرزه بادي
    بس ازاي نأخذ المقاس و هل هيكون الصدر لوحده و الظهر لوحده

  3. أهلاً بالغالية عواطف
    يسعدني أنك أول من تشاركنا الورشة
    لو هتعملي بادي يا ترى هيكون بحمالات أو هيكون كت ؟
    وبجميع الأحوال ممكن تنفذي منه قطعة للأمام وقطعة للخلف
    كمان ممكن تنفذي الشكل للصدر وتغيري بغرزة تانية لباقي البادي
    وده يرجع لذوقك
    المهم نقدر ننفذ القطعة وبعد كده قرري هتنفذي البادي أزاي
    منتظرة تنفيذك للخطوة الأولى قبل أن أكمل

  4. انا معاكى فى الورشة ان شاء الله

    حعمل كوفيه لحبيبة قلبى رولا

    طبعا طول السلسال هو طول الكوفية مش كده تفتكرى نعمله اد ايه

    جزاكى الله كل خير.

  5. انا هعمل البادي بكم
    و بالنسبه للسطر الاول عشان اخلصه فبعد الثلاث عماويد
    نعمل 4 سلاسل و نترك 4 سلاسل من السلسله الاصليه ثم نعمل 4 اعمده و هكذا حتي نهاية السطر صح ام خطأ عشان اقدر اخلص السطر و اصوره

  6. رونى;12262 wrote:

    انا معاكى فى الورشة ان شاء الله

    حعمل كوفيه لحبيبة قلبى رولا

    طبعا طول السلسال هو طول الكوفية مش كده تفتكرى نعمله اد ايه

    جزاكى الله كل خير.

    ربنا يخليلك الأمورة رولا وتشوفيها عروسة يارب
    بالنسبة للكوفية المفروض تشتغليها بعرضها يعني قد 20 أو30 سم وترتفعي بها
    بمعنى آخر ممكن تعملي العرض اللي هتبدأي بيه السلسلة من 20 إلى 30 سم ولو حابه أكبر ده يرجع لك
    وترتفعي لغاية 2 متر أو بالطول اللي أنتِ تحبيه
    منتظرة تطبيقك يا قمر

  7. عواطف wrote:

    انا هعمل البادي بكم
    و بالنسبه للسطر الاول عشان اخلصه فبعد الثلاث عماويد
    نعمل 4 سلاسل و نترك 4 سلاسل من السلسله الاصليه ثم نعمل 4 اعمده و هكذا حتي نهاية السطر صح ام خطأ عشان اقدر اخلص السطر و اصوره

    ما شاء الله عليكِ عطوفه
    شطورة يا قمر بس مع ترك 3 سلاسل من القاعدة فقط
    ورينا الهمة ياللا

  8. ماشاء الله ورشه جميله وموفقه ان شاء الله
    اختي
    عروس النيل

    وكل عام واخواتي كلهم بخير وسعاده ان شاء الله
    تحياتي
    ندي

  9. غرزة رائعة وأنيقة جداً
    تسلم أيديكى أختى الغالية عروس النيل
    متأسفة مش هأقدر أشارك فى الورشة
    بس قلبى معاكم
    وهتابع تطبيقات الأخوات وإنتاجهم من هذه الغرزة اللذيذة
    رد

  10. ما شاء الله
    عروستى الحلوة ربنا يبارك فى ورشتك الجميلة
    شرحك رائع حبيبتى الف باء كروشيه
    اسلوب رائع
    موفقة أنت وتلامذتك الحلوين

  11. السطر التاني

    من آخر عمود نفذتيه أرتفعي بـ 3 سلاسل بمثابة عمود
    ثم سلسلة آخرى تكون الرابعة في العدد وتواجه الأعمدة الأربعة التي بالسطر الأول



    على السلاسل الأربعة التي بالسطر الأول ننفذ الآتي

    على أول سلسلة نفذي 2 عمود وأختميه بغرزة البيكو
    وده رابط الفيديو الخاص بالغرزة

    http://www.youtube.com/watch?v=vSSdHE3nBv8&feature=player_embedded

    على السلسلة التانية والتالتة كل منهما نفذي عمودين عمودين

    على السلسلة الرابعة نفس الأولى بس بالعكس بمعنى
    نفذي عمود ثم غرزة البيكو ثم عمود
    وزي ما هو واضح بالباترون


    هتكرري بنفس الطريقة على كل السلاسل التي بالسطر الأول
    وكما هو موضح بالصور







    عند وصولك لـ 4 أعمدة بالسطر الأول
    أعملي سلسلة واحدة
    ثم عمود واحد على آخر عمود بالسطر الأول
    وبكده نكون خلصنا السطر التاني



    نفذي السطرين دول الأول علشان لو فيه أي سؤال نجاوبك عليه
    ونشوف بعد كده بقية السطور
    لأنها بنفس الآلية مع وجود أختلاف بسيط في بعض الخطوات
    ننتظر صورة للسطر الأول
    ثم للسطر التاني
    علشان نكمل الشغل بالترتيب

    موفقة إن شاء الله

  12. والآن أبدأ بشرح السطر الثالث على بركة الله




    ننفذ 6 سلاسل منها 3 الأولى بمثابة عمود



    نترك عمودين من السطر السابق وننفذ 4 أعمدة ثم 4 سلاسل
    ونلاحظ أننا بهذا العمل تركنا عمودين يمين وعمودين شمال



    وبنفس الكيفية نكمل لآخر السطر

    نترك عمودين ونشتغل 4 أعمدة و 4 سلاسل في كل مجموعة





    آخر مجموعة بعد تنفيذ السلاسل أعملي عمود واحد
    على الـ 3 سلاسل التي بالسطر السابق والذي يعتبر بمثابة عمود



    وبكده خلص السطر الثالث


  13. نبدأ السطر الرابع على بركة الله

    نرتفع بـ 3 سلاسل بمثابة عمود
    ثم نشتغل عمود على السلسلة الأولى وعمودين في السلسلة التانية
    ثم عمود وبعدها غرزة البيكو ثم عمود على السلسلة التالتة



    نشتغل عمودين ثم غرزة بيكو على السلسلة الأولى
    ثم عمودين في السلسلة التانية
    وعمودين في السلسلة الثالثة
    ثم عمود ثم غرزة البيكو ثم عمود على السلسلة الرابعة



    ونكرر الخطوة السابقة على باقي السطر





    على السلسلة الأخيرة من السطر يتم الآتي
    ننفذ على السلسلة الأولى عمودين وغرزة البيكو ثم عمود آخر
    ثم على السلسلة التانية عمود وعلى السلسلة الثالثة عمود
    ثم عمود على الثلاث سلاسل اللي هي بمثابة عمود



    ملحوظة
    *****
    يجب مراعاة الترتيب بين الأعمدة وغرزة البيكو كما جاء بالشرح

  14. السطر الخامس
    ******

    نطلع بـ 3 سلاسل بمثابة عمود ثم ننقذ 3 عواميد على العواميد اللي بالسطر السابق
    ثم 4 سلاسل




    على الـ 4 عواميد اللي بين غرزتي البيكو نفذي 4 عواميد ثم 4 سلاسل



    ونكرر بنفس الكيفية لنهاية السطر





    عند وصولك لآخر مجموعة
    هتنفذي بعد غرزة البيكو 4 عواميد بحيث آخر عمود هيكون على العمود المكون من 3 سلاسل



    وبكده نكون كملنا شرح باترون القطعة بالكامل
    وأدعو الله أن أكون قد وفقت في عرضها بالأسلوب الجيد
    وأتمنى لكِ التوفيق في تنفيذ أشياء جميلة
    كما أتمنى أن تعرضي علينا ما تجود به أناملك من أعمال رائعة

    تقبلي مني أرق تحية

  15. يا ميس بشويش علينا يا ميس

    اكيد الشرح تمام ولكن انتظرينا ليه العجلة

    عايزة اطبق معاكى بس عندى عقده من قراءة الباترون

    يومن كمان وافضى وان شاء الله احاول اطبق معاكى

    وانتظرى شوية ولا تتعجلى

    ولكى منى كل الشكر

  16. شرح فى منتهى الجمال والروعة
    بجد هايلة ابنتى جدا وسأنفذها ان شاء الله وأصورها وأعرضها عليكى ابنتى
    الله يبارك فيكى يارب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق