إعلان
متنوع

ساعات من العمر للبيع

إعلان

السلام عليكم ورحمة الله وبركاته

يقاس عمر الإنسان بالسنين والشهور والأيام والساعات

واليوم فى كتاب الزمن عبارة عن 24 ساعة

الكثير منا يعيش منا يومه وخلاص مش بيهتم هل عاشه كما ينبغى أم لا

وأهو يوم وبيعدى وبيجى اللى وراه ويوم وراه يوم وراه يوم مرت أسابيع وشهور وسنين

فيه ناس بتقضى كل يومها فى الشغل وبتتمنى اليوم يكون أكتر من 24 ساعة علشان يقدروا ينجزوا أعمالهم كلها

وفيه ناس بتتمنى اليوم يخلص بسرعة لأنهم مش لاقين حاجة يعملوها فيه وبتحاول بشتى الطرق تقتل هذا الوقت

إيه رأيكم بدل ما نقتل هذا الوقت نعرضه للبيع !!!؟؟؟

بمعنى اللى مش محتاج الوقت يتركه للى محتاجه لكى يستفيد منه

يا ترى مين منكم هيبيع ومن منكم هيشترى؟

ويا ريت لو هيبيع يوضح أسبابه؟

ويعرفنا لو اشترى هيستفيد بالوقت أزاى؟

ويا ترى اللى هيشترى هيدفع اد اية مقابل هذه الساعات؟

منتظره آرائكم فى شوق ولهفة

اظهر المزيد

مقالات ذات صلة

‫21 تعليقات

  1. إيه دى بقى
    إيه الأسئلة الصعبة دي … مفيش اختيارت … ولا اتصال بصديق
    على العموم هجرب أجاوب
    أنا عن نفسي لو هفكر أشتري وقت يبقى هشتري كام ساعة كده الصبح بدري
    أصل أنا بصحى متأخر فبحس إن اليوم خلص بسرعة .. مع إني بسهر لبعد الفجر
    بس لو قدرت اشتري اربع خمس ساعات الصبح بدري ونحطهم على ساعات السهر بالليل
    يبقى اليوم كده تمام أوي … وممكن الواحد ينجز حاجة
    وبالنسبة لتحديد السعر … فأتركه لبائع الوقت يحدده هو
    بس أكيد هفاصل :D:D:D
    أما لو عاوزة أبيع فعندي ليالي كاملة أحب أبيعها … ده لو لقيت حد يشتريها
    هي الليالي اللي ما بعرفش أنام فيها خالص
    بتبقى طويييييلة ومملة وتحرق الدم
    يعني بعد ما أسهر كتيير أحاول أنام … ما أعرفش أنام … مش حاجة تفرس :mad::mad::mad:

    ياللا نفتح المزاد اللي يحب يبيع ساعات الصبح ويشتري ليالي القلق
    يفتح المزاد
    .
    .
    .
    .

    كده برضه يا المحبة للرسول … خليتيني أتصور إن مشكلة الوقت ليها حل
    والواحد ممكن يبيع ويشتري ويعمل اللي هو عاوزة
    ياريت كانت الحكاية سهلة كده

    شكرا على الموضوع الـــ …. مش عارفة اسميه ايه :confused::confused::confused:
    لذيذ !!!! .. ممكن …. ممتع !!!! … برضه معقول
    أقولك هو موضوع مجنوووووووون

  2. شوفى يا عبقرية موضوعك مضمونه غريب و الاسئلة صعبة
    لم يختر على بالى ان ابيع وقتى ممكن اضيف وقت عليه
    ولكن أنا لا ابيع ولا أشترى فأنا راضية بوقتى هذا
    وعندى وقت أخرج فيه طاقتى عن طريق هوايتى المفضله
    وهى تنفيذ ألأشغال الفنية
    وأحمد الله على هذه الهوايه لانها فعلا تخرج ما بداخلى من أحاسيس
    فكما قلت لكِ فى البداية ممكن أضيف وقت للاستمتاع بهذه الهواية
    بجانب طبعا الاعمال اليومية المفروضة على من اعمال البيت والعبادة

    هذا ما جاء على يالى عندما قرأت موضوعك اللذيذ لكِ منى أحلى تحية

  3. صراحه موضوع جديد لم افكر فيه من قبل
    بمعني انني لم افكر فيه من ناحيه الشراء والبيع لانه للاسف لا نقدر نبيع ولا نشتري لان هذا قدر الله
    ولكن يمكن ان ندعو في ان يبارك الله لنا في وقتنا واعتقد هذا الاهم

    هكتب اللي خطر علي بالي دلوقتي بس لو فكرت ثاني ولقيت حاجه هبقي اكتبها ان شاء الله

    سبحانه الله هذا الموضوع جاء في الحاله التي شعرت بها اليوم
    اليوم تذكرت وفاه والدي الله يرحمه ويجعل القران نور لقبره ويدخله الله الجنه من اوسع ابوابها
    لكن هذة حكمه الله ولا راد لقضائه

    وفي اوقات بتبقي حلوه اوي يمكن لما يكون المود بتاعي حلو وبشتغل فيها اي هوايه

    او لما بروح البحر ببقي مش عاوزه اليوم يمر من جماله
    او امارس هوايتي في القراءة
    صراحه لما بقعد اقرا ببقي مش عاوزه الوقت يمر

    او اكون في محاضره ممتعه مش عازاها تخلص بتمني الساعه تبقي اثنين

    ولما بحفظ سوره كبيره ببركه الله ببقي زعلانه اني محفظتهاش في الايام اللي عدت

    اجمل ايامي صراحه رمضان بزعل اوي بانتهاءة واتمني ان تكون السنه كلها رمضان
    اللهم بلغنا رمضان

    صراحه هذة بعض الخواطر[/size]

  4. صعب اني افكر ابيع وقتي ولا اشتريه فالأربع وعشرين ساعة بتكفي ليومي

    بإجازة كنت أو بعمل فكل ساعة تمر بشغلها بشي معين

    لازم نفكر كل ساعة تمر من أيامنا وأعمارنا فالمضحك أننا نحسب الوقت متى يخلص بينما هو بيعد تنازلي لنا

    سؤال صعبك جداَ يالمحبة

    بهى

  5. مش ملاحظين يا جماعة ان الأستاذة دي أصلا مجاوبتش على أسئلتها ؟
    الأستاذة صاحبة الموضوع
    المحبة للرسول

    – أنا بس حبيت أهدي النفوس بس –
    d:

    أجاوب أنا بقى
    ^ـ^
    أظنني دلوقتي راضية عن نظام وقتي إلى حد كبير
    لكن أظن أنا محتاجة وقت أذكر فيه ربنا أكتر و أعبده أكتر و أكتر عشان أعوض لسنين اللي فاتت و الوقت الضايع
    و وقت كمان أحفظ فيه القرآن بشكل أحسن من كده

    و من حيث الدفع
    وقت زي ده بجد
    مش هافاصل فيه

  6. الموضوع صعب فعلا يا ايمان

    صعب مجرد التفكير انى ابيع او اشترى

    لان الوقت ليس ملكنا فهو ليس للبيع .

    فاذا فكرنا بهذا المنطق فاحتاج الى شراء بعض الساعات لكى اطيل يومى

    حتى لا اشعر ان العمر قد بدأيجرى.

    شكرا لكى ايمان وفى انتظار ما سوف تفعليه انت هل حتبيعى ولا تشترى.

  7. مرحبا عزيزتي المحبة للرسول

    موضوعك حلو مع انه فيه شيء من الغرابة

    ما اظن ان الانسان ان يستغني شيء من وقته ليبيعه على احد حتى لو كان عنده فراغ ما يستهلكه بشيء … الانسان بحد ذاته اناني بطبعه
    ولا حتى ان يشتري من الوقت ليثمر على يومه الكامل ..

    بشاير

  8. نهاية wrote:

    أنا عن نفسي لو هفكر أشتري وقت يبقى هشتري كام ساعة كده الصبح بدري
    أصل أنا بصحى متأخر فبحس إن اليوم خلص بسرعة .. مع إني بسهر لبعد الفجر
    بس لو قدرت اشتري اربع خمس ساعات الصبح بدري ونحطهم على ساعات السهر بالليل
    يبقى اليوم كده تمام أوي … وممكن الواحد ينجز حاجة
    وبالنسبة لتحديد السعر … فأتركه لبائع الوقت يحدده هو
    بس أكيد هفاصل :d:d:d
    أما لو عاوزة أبيع فعندي ليالي كاملة أحب أبيعها … ده لو لقيت حد يشتريها
    هي الليالي اللي ما بعرفش أنام فيها خالص
    بتبقى طويييييلة ومملة وتحرق الدم
    يعني بعد ما أسهر كتيير أحاول أنام … ما أعرفش أنام … مش حاجة تفرس :mad::mad::mad:

    ياللا نفتح المزاد اللي يحب يبيع ساعات الصبح ويشتري ليالي القلق
    يفتح المزاد
    .
    .
    .
    .

    كده برضه يا المحبة للرسول … خليتيني أتصور إن مشكلة الوقت ليها حل
    والواحد ممكن يبيع ويشتري ويعمل اللي هو عاوزة
    ياريت كانت الحكاية سهلة كده

    شكرا على الموضوع الـــ …. مش عارفة اسميه ايه :confused::confused::confused:
    لذيذ !!!! .. ممكن …. ممتع !!!! … برضه معقول
    أقولك هو موضوع مجنوووووووون

    [/quote]


    أهلاً أختى نهاية سعيدة

    أحسنتى أختيار الوقت اللى عايزة تشترية

    فساعات الصبح كلها بركة وتقدرى تنجزى فيها الكثير

    وبالنسبة للوقت اللى عايزة تبيعية أكيد محدش عايز يحتفظ بأى ذكرى أليمة

    والموضوع عبارة عن فكرة مجنونة تنبهنا للوقت اللى بنضيعه من بين أيدينا

    وتفكرنا أننا لو حبينا نشترية هيكون بالغالى أوى لأن صعب أوى

    وربنا يقدرنا ونقدر نحافظ على ساعات عمرنا ونستقيد منها[/center]

  9. نااانو;363 wrote:

    شوفى يا عبقرية موضوعك مضمونه غريب و الاسئلة صعبة
    لم يختر على بالى ان ابيع وقتى ممكن اضيف وقت عليه
    ولكن أنا لا ابيع ولا أشترى فأنا راضية بوقتى هذا
    وعندى وقت أخرج فيه طاقتى عن طريق هوايتى المفضله
    وهى تنفيذ ألأشغال الفنية
    وأحمد الله على هذه الهوايه لانها فعلا تخرج ما بداخلى من أحاسيس
    فكما قلت لكِ فى البداية ممكن أضيف وقت للاستمتاع بهذه الهواية
    بجانب طبعا الاعمال اليومية المفروضة على من اعمال البيت والعبادة

    هذا ما جاء على يالى عندما قرأت موضوعك اللذيذ لكِ منى أحلى تحية


    أهلاً ناهد

    زى ما قلت هيه فكرة لتذكرنا بأهمية الوقت

    وكويس جداً أنك راضية بوقتك وعارفة تستغليه كويس

    ربنا يديمها عليكى نعمة

  10. ندي wrote:

    صراحه موضوع جديد لم افكر فيه من قبل
    بمعني انني لم افكر فيه من ناحيه الشراء والبيع لانه للاسف لا نقدر نبيع ولا نشتري لان هذا قدر الله
    ولكن يمكن ان ندعو في ان يبارك الله لنا في وقتنا واعتقد هذا الاهم

    هكتب اللي خطر علي بالي دلوقتي بس لو فكرت ثاني ولقيت حاجه هبقي اكتبها ان شاء الله

    سبحانه الله هذا الموضوع جاء في الحاله التي شعرت بها اليوم
    اليوم تذكرت وفاه والدي الله يرحمه ويجعل القران نور لقبره ويدخله الله الجنه من اوسع ابوابها
    لكن هذة حكمه الله ولا راد لقضائه

    وفي اوقات بتبقي حلوه اوي يمكن لما يكون المود بتاعي حلو وبشتغل فيها اي هوايه

    او لما بروح البحر ببقي مش عاوزه اليوم يمر من جماله
    او امارس هوايتي في القراءة
    صراحه لما بقعد اقرا ببقي مش عاوزه الوقت يمر

    او اكون في محاضره ممتعه مش عازاها تخلص بتمني الساعه تبقي اثنين

    ولما بحفظ سوره كبيره ببركه الله ببقي زعلانه اني محفظتهاش في الايام اللي عدت

    اجمل ايامي صراحه رمضان بزعل اوي بانتهاءة واتمني ان تكون السنه كلها رمضان
    اللهم بلغنا رمضان

    صراحه هذة بعض الخواطر[/size]

    أهلاً ندى

    ربنا يبارك فى كل أوقتنا

    وربنا يهدينا إلى استغلالها فى عمل صالح يقربنا إليه

    أكيد كلنا مش عايزين الساعات السعيدة تمر بسرعة

    ونتمنى لحظات الحزن الطويلة تمر سريعاً

    ربنا يجعل كل أيامك سعادة وهناء

  11. بهى;389 wrote:

    صعب اني افكر ابيع وقتي ولا اشتريه فالأربع وعشرين ساعة بتكفي ليومي

    بإجازة كنت أو بعمل فكل ساعة تمر بشغلها بشي معين

    لازم نفكر كل ساعة تمر من أيامنا وأعمارنا فالمضحك أننا نحسب الوقت متى يخلص بينما هو بيعد تنازلي لنا

    سؤال صعبك جداَ يالمحبة

    بهى

    أهلاً بهى

    جميل جداً أنك راضية بوقتك

    ودا دليل على حسن أستغلالك له

    دى نعمة ربنا يدمها عليكى

  12. طفولة wrote:

    مش ملاحظين يا جماعة ان الأستاذة دي أصلا مجاوبتش على أسئلتها ؟
    الأستاذة صاحبة الموضوع
    المحبة للرسول

    – أنا بس حبيت أهدي النفوس بس –
    d:

    أجاوب أنا بقى
    ^ـ^
    أظنني دلوقتي راضية عن نظام وقتي إلى حد كبير
    لكن أظن أنا محتاجة وقت أذكر فيه ربنا أكتر و أعبده أكتر و أكتر عشان أعوض لسنين اللي فاتت و الوقت الضايع
    و وقت كمان أحفظ فيه القرآن بشكل أحسن من كده

    و من حيث الدفع
    وقت زي ده بجد
    مش هافاصل فيه

    أهلاً يا مروة

    دايماً كدا بتحبى تهدى النفوس

    طب أجاوب أنا أزاى على الأسئلة الصعبة دى :30:

    ههههههههههههههههههههههههههه

    وفعلاً حبيبتى الكل نفسه فى وقت أكبر يتعبد فيه

    شكل الحياة بتسرقنا وبعد سنين بنكتشف مدى تقصيرنا فى حق ربنا

    ربنا يقدرك وتقدرى تستغلى كل دقيقة فى رضا ربك

  13. بشاير;958 wrote:

    مرحبا عزيزتي المحبة للرسول

    موضوعك حلو مع انه فيه شيء من الغرابة

    ما اظن ان الانسان ان يستغني شيء من وقته ليبيعه على احد حتى لو كان عنده فراغ ما يستهلكه بشيء … الانسان بحد ذاته اناني بطبعه
    ولا حتى ان يشتري من الوقت ليثمر على يومه الكامل ..

    بشاير


    أهلاً بأختى الغالية بشاير

    أنا فكرت إن فيه ناس كتير ممكن تبيع

    لسبب واحد فقط أنا بتضيعه فى أشياء تافهة

    حتى دايماً يقولوا عايزين نقتل الوقت

    بس مش خطر على بالى إن الإنسان أنانى

    فعلاً ممكن لو فيه إمكانية بيع الوقت وشراءه

    ناس مش ترضى تبيعه أنانية منها أو لعدم رغبتها فى إفادة غيرها

    لما الواحد تكون دماغة فاضية مش هيقدر يقدر قيمة كل لحظة فى حياته وليس كل ساعة

    وهيبخل يعطيها لغيره حتى لو كان المقابل قتلها

    أشكرك أختى على ردك

    وأتمنى لكى قضاء وقت سعيد فى طاعة الله

  14. بما إن الأستاذة مروة دبستنى فى الإجابة :17:

    وأنا مش أقدر أبدأ اتأخر عليها

    فهأضطر أجاوب على الأسئلة الصعبة دى :35:

    أنا نفسى أعمل حاجات كتيييييييييييييير فى أقل وقت

    بس المشكلة أنى مش عارفة أستغل وقتى صح

    فعلشان كدا هأضطر أشترى بعض الوقت

    أستغلة فى تعلم أشياء كتير جديدة أشعر معاها بالسعادة[/color][/center]

  15. بسم الله الرحمان الرحيم
    تسلمي اختي ايمان على هذا الموضوع الغريب شويتين
    الحقيقة لم أفكر يوما في مسألة لا بيع ولا شراء الوقت لأنني والحمد لله منظمة جدا في وقتي واستغل كل دقيقة منه وبما أنني استيقظ مبكرة أحس أن الله يبارك لي في كامل اليوم
    شكري على هذا الموضوع الطريف
    ألفة

  16. سؤال مجنون ..

    و لكنه عبقري .. و كثيراً ما كنت أتمنى أن يكون اليوم 48 ساعة !! نعم 48 ساعة ..

    ففي حالة ما إذا كان اليوم 48 ساعة .. سيكون الوضع معي كالآتي:

    20 ساعة عمل !
    16 ساعة نوم !
    8 ساعات انترنت و كومبيوتر و ناشيونال جيوجرافك !!
    4 ساعات أكل و مرعى 🙂 🙂 🙂

    يا سلام .. كل حاجة كده تبقى خدت حقها تمام !!

    بس مين بقى يا ترى اللي هايديني ال 24 ساعة بتوعه !! سؤال وجيه ! ؟؟؟؟؟؟؟؟

  17. ألفة;1197 wrote:

    بسم الله الرحمان الرحيم
    تسلمي اختي ايمان على هذا الموضوع الغريب شويتين
    الحقيقة لم أفكر يوما في مسألة لا بيع ولا شراء الوقت لأنني والحمد لله منظمة جدا في وقتي واستغل كل دقيقة منه وبما أنني استيقظ مبكرة أحس أن الله يبارك لي في كامل اليوم
    شكري على هذا الموضوع الطريف
    ألفة

    أهلاً أختى ألفة

    جميل جداً أنك عارفة تنظمى وقتك

    دى ميزة حلوة الكتير من الناس مفتقدينها

    وحكاية الصحيان بدرى دى جميلة جداً جربتها

    وفعلاً ربنا بيبارك فى الوقت وفيه توزع الأرزاق

    وقد ذكر النبي صلى الله عليه وسلم : (بورك لأمتي في بكورها)

    شكراً لكى أختى

  18. محمد ممدوح wrote:

    سؤال مجنون ..

    و لكنه عبقري .. و كثيراً ما كنت أتمنى أن يكون اليوم 48 ساعة !! نعم 48 ساعة ..

    ففي حالة ما إذا كان اليوم 48 ساعة .. سيكون الوضع معي كالآتي:

    20 ساعة عمل !
    16 ساعة نوم !
    8 ساعات انترنت و كومبيوتر و ناشيونال جيوجرافك !!
    4 ساعات أكل و مرعى 🙂 🙂 🙂

    يا سلام .. كل حاجة كده تبقى خدت حقها تمام !!

    بس مين بقى يا ترى اللي هايديني ال 24 ساعة بتوعه !! سؤال وجيه ! ؟؟؟؟؟؟؟؟

    أهلاً أخى محمد

    حلوة التقسيمة

    بس أكيد لما ترجع مصر هيختلف البرنامج

    فين الزيارات العائلية :confused:

    وفين ………… حاجات كتير

    نسيت تحطها ضمن البرنامج

    ربنا يبارك لك فى وقتك وتستفيد بيه أقصى استفادة

    وشكراً لك على مشاركتك معانا فى الموضوع

  19. بسم الله الرحمان الرحيم
    ايمان انا بس حبيت ضيف شئ للموضوع انو الرسول عليه السلام كان تحدث انو من اشراط الساعة تقارب الزمان

    (حديث مرفوع) حَدَّثَنَا عَبْدُ الرَّحْمَنِ بْنُ عُثْمَانَ الزَّاهِدُ ، قَالَ : حَدَّثَنَا أَحْمَدُ بْنُ ثَابِتٍ ، قَالَ : حَدَّثَنَا سَعِيدُ بْنُ عُثْمَانَ ، قَالَ : حَدَّثَنَا نَصْرُ بْنُ مَرْزُوقٍ ، قَالَ : حَدَّثَنَا عَلِيُّ بْنُ مَعْبَدٍ ، قَالَ : حَدَّثَنَا إِسْمَاعِيلُ بْنُ عَيَّاشٍ ، عَنْ يَحْيَى بْنِ سَعِيدٍ ، عَنْ عَبْدِ الرَّحْمَنِ بْنِ حَرْمَلَةَ ، عَنْ سَعِيدِ بْنِ الْمُسَيِّبِ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ” مِنْ أَشْرَاطِ السَّاعَةِ تَقَارُبُ الزَّمَانِ ” , قِيلَ : يَا رَسُولَ اللَّهِ , وَمَا تَقَارُبُ الزَّمَانِ ؟ قَالَ : ” تَكُونُ السَّنَةُ كَالشَّهْرِ , وَالشَّهْرُ كَالْجُمُعَةِ , وَالْجُمُعَةُ كَالْيَوْمِ , وَالْيَوْمُ كَالسَّاعَةِ , وَالسَّاعَةُ كَاضْطِرَابِ السَّعَفَةِ ” .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق