الرئيسية / أنتِ و أسرتك / سلسلة الانثى ملكه – رساله عاجله لكل انثى ( 1 )

سلسلة الانثى ملكه – رساله عاجله لكل انثى ( 1 )

الانثى ملكه  – رساله عاجله لكل انثى ( 1 )

يا كل بنت يا كل ست يا كل انثى اقرائى كلامى دا كويس وافهميه كويس، ربنا لما خلق الانثى خلقها لتكمل الذكر وجعلها ملكه متوجه جعلها عزيزه وجعل لها حياه كريمه وجعل الرجل خادم لها يصرف عليها ويحافظ عليها ويحرسها ويصونها، يا كل انثى لا تضعى حقوقك وتتنازلى عن كونك ملكه متوجه لا تسلبى من نفسك هذا اللقب لا تضيعى نفسك وكرمتك ولا تتنازلى عن حقوقك التى اعطاها الله لكى ولا تجعلى من نفسك لعبة يلعب بها الرجل او مجرد تسلية لا تجعلى نفسك عبده عند الناس.

  • لا تقولى انا رجل لانك لستى رجل ولن تكونى رجل.
  • لا تستهينى بقدراتك ولا تستهينى بكشف جزء من جسدك لانك غالية مش رخيصه.
  • انتى ملكة والملكه لا يراها الكثير.
  • انتى ملكة بعقلك المتعلم وفكرك الناضج.
  • انتى ملكة بعلمك ومعرفتك.
  • انتى ملكة بشخصيتك.
  • انتى من تجعلى اى شىء يكون تحت قدمك.
  • انتى من تجعلى من يقبل يدك وقدمك وانتى من تجعلى نفسك تحت الاقدام.

يا كل ملكه مملكتك هى بيتك وحياتك وانتى من تسمحى بدخول هذه المملكه وانتى من تسمحى من يخرج منها.

يا كل ملكه 3 هم من يرفعوكى والديكى ثم زوجك اذا خسرتيهم خسرتى جزء كبييييير من مملكتك.

يا كل ملكه اسلحتك هى دينك ثم علمك ثم اخلاقك.

يا كل انثى لا تخضعى للاحد الا الله ثم لزوجك وبينك وبينه شرع الله.

يا كل انثى لا ترخصى نفسك بشىء اسمه الحب قبل الزواج.

يا كل انثى افيقى قبل ان تدهسك الاقدام.

ولا تنسى انكى ملكه تستحق العزه والاحترام وتقبيل يدها وقدمها.

ولا تنسى انكى بشر وانك النصف الثانى من الذكر.

 

ملكات سلبن منهمن اللقب:

بنات وستات كتييييير نفسهم يعيشو بعزه وكرامه وقوه نفسهم يعيشو بسعاده وحب نفسهم يثقو فى نفسهم نفسهم يحسو انهم ملكات بس للاسف لما بيعيشو الواقع بيجدو عكس دا وكتييير منهم بيسال هى فين المشكله هل المشلكه فى الناس والاهل ؟ ولا المشكله فيهم ؟

المشكله فيهم هما فى كل بنت وفى كل ست والسبب انهم فهمو نفسهم غلط وسمحو للناس انهم يغطو على افكارهم وحياتهم والغريب فى الموضوع انهم وفقو استسلمو لهذا الكلام
والكارثه الكبييييره انهم بانفسهم صنعو اصنام وبايديهم وبيعبدوها زى مثلا:

  • صنم انى وحشه.
  • صنم انى غبيه.
  • صنم انى مقدرشى استغنى عن الناس.
  • صنم الناس هتقول.
  • صنم العادات والتقاليد.
  • صنم لازم اجى على نفسى.
  • صنم انا الكبيره.
  • صنم انا وحيده بابا وماما.
  • صنم البيئة كدا.
  • صنم انا كدا ومش هتغير.
  • صنم البلد كدا.

اصنام كتيييييييييير وغير اللى قولته كتيييييير

لو عايزه تكونى ملكه فعلا وعايز تعيشى حياتك صح وتنجحى وتكونى فخر لنفسك وللاهل ولدينك ولبلدك اكسرى الاصنام دى اتعلمى وبطلى جهل اكتشفى نفسك وقدراتك اتعلمى ازى تستخدمى قدراتك وامكانياتك فى صناعه حياتك الجميله اتعلمى عن دينك وتقربى من الله

على فكره انتى اصلا ملكه !!!!!

ايوه انتى ربنا خلقك ملكه عزيزه مكرمه ودا الاصل بتاعك ولكن للاسف انتى سلبتى من نفسك هذا اللقب وحولتى نفسك الى عبده ذليله.

قومى الان اكسرى اصنامك وحطمى قيودك وانطلقى الى القمه بتوكلك على الله ثم بالعلم والمعرفه اصنعى اهداف كبييييره لنفسك واسعى الى تحقيقها، اوعى تستسلمى فى استسلامك هلاكك.

اختارى شريك حياتك بنفسك لا تختارى الحب فقط ولكن اختارى من يحبك ويكون عون لكى على النجاح واثبات نفسك ويكون عونك على صناعه ملكه بجد، التاريخ يمضى فسطرى اسمك بحروف من ذهب فيه ، ولا تنسى انك ملكه سلب منها اللقب

تحياتى

#المدرب_الاستشارى_حسام_دياب

مدرب تنميه بشريه واستشارى تدريب وعضو مؤسس فى النقابه العامه لمدربين التنميه البشريه واعلامى

للمتابعة على الفيس من هنا

اترك رد

%d مدونون معجبون بهذه: