إعلان
أنتِ و أسرتك

تجهيزات رمضان 4 – تنظيف الشقة

إعلان

عايزه شقتك تبقى نضيفه وبتبرق فى  💃🏻💃🏻
اقرأى البووست ده
رمضان
👇🏻👇🏻😘
**ابداى من الاسبوع ده نضفى مطبخك تنضيفه حلوه …ارمى الكراكيب ..ونضفى التلاجه ..وغيرى المفارش ..ونضفى الشفاط والبوتاجاز
كل ده هياخد يوم متواصل ..او على يومين 💪🏻
**لو فيه سجاده ولا اتنين محتاجين غسيل اغسليهم ..ولو فرشتيهم حطى عليهم ال Cover واقى السجاد ..او اى كوفرته قديمه عندك
ولمى الستاير واغسليهم وعطريهم
**دى الحاجات الكبيره ..المطبخ واى سجاد مبقع والستاير
**ابداى من الاسبوع ده جهزى الخشاف 😍💪🏻
يعنى قطعى المكونات وحطيها ف علبه ف التلاجه
وفصصى البلح وفى علبه برده ف الثلاجه …هتوفرى وقت ومجهود ونسيان كمان
**اشترى الفول ودمسيه وحطيه ف اكياس ف الفريزر وكل يوم طلعى كيس للسحور 😉
التنضيف بقى فى يوم الصيام هيكون ازاى ؟؟
1-خليكى منظمه ومرتبه ولازم اهل ببتك يتعاونو معاكى ..وحاولى مكان التجمع لﻷاكل يكون ثابت علشان تعرفى تسيطرى عليه 😒
**المواعين تتغسل اول باول اثناء ما بتعملى الاكل وبعد الفطار وبعد السحور ..كده هترتاحى جدا لان كمياتهم بتبقى قليله جدااا لو كل حاجه لوحدها 👍🏻
**لو اتعودتى تصحى بدرى فى يوم الصيام مش هتحسى باى ضغط نفسى او جسدى ..لانك هتشتغلى على مهلك وبراحتك 😍
**حاولى تخلى اى تنضيف فيه حركه زى الشفط بالمكنسه او دعك الحمام او المكوى
يبقى بعد الفطار ..وبلاش تضيعى نهار الصيام فى ارهاق ممكن يتاجل 😊
**الشغل اللى ميتاجلش …المواعين ..التلميع ..ونشر الغسيل وتطبيقه ..تحميم اطفالك ..ده شغل بسيط ينفع مع الصيام ✌🏻
**بعد السحور امشى بالشرشوبه النضيفه على ارضيه المطبخ واعتاب الغرف ..علشان تصحى على نضافه وتمنعى اى ظهور للنمل او للصراصير 😣
**لو عندك اطفال خليهم ف اوضه واحده بس علشان تعرفى تسيطرى على الفوضى ف مكان واحد 😭
**يوم العزومات مترفضيش مساعده حد ..مفيهاش حاجه لو الستات المعزومه عندك يساعدوكى ف لم السفره او غسيل الاطباق
**خلى اكل يوم العزومه سهل وسريع وابداى جهزيله قبلها بيومين علشان تنجزى ☺️
**لو موظفه وبتشترى طلبات بعد الشغل قسميها ومترهقيش نفسك وركزى ع الاولويات
واعملى الاكل بدرى شويه علشان تاخدى قسط من الراحه
**لو بتروحى تصلى التراويح والمواعين كتيراغسلى جزء قبل الصلاه وكملى لما ترجعى
..لو قليلين خلصيهم كلهم سريييعا 💪🏻😘
**بلاش مثاليه وطلب الكمال والحاجه اللى ينفع تتاجل اجليها لبعد الفطار ..
لان رمضان ايامه معدوده خساره يضيع ف شغل مبيخلصش 😒
وينفع يتعوض ✌🏻
**لو عملتى اول ب اول مش هتحسى باى تعب
وكلها حسنات ليكى مع اجر الصيام 😍

الموضوعات السابقة من

تجهيزات رمضان (المختلفة) -1

تجهيزات رمضان 2 – تنظيف فى يوم رمضان

تجهيزات رمضان 3 – خطوات للتجهيزات النفسيه والايمانيه لرمضان

تجهيزات رمضان 4 – تنظيف الشقة

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق