الرئيسية / أنتِ و أسرتك / تجهيزات رمضان 3 – خطوات للتجهيزات النفسيه والايمانيه لرمضان

تجهيزات رمضان 3 – خطوات للتجهيزات النفسيه والايمانيه لرمضان

خطوات للتجهيزات النفسيه والايمانيه لرمضان👇🏻👇🏻

اللهم بلغنا رمضان ❤
هنغير شويه مفاهيم خاطئه واحنا بنشرح الخطوات😊😘💪

١-الناس اللى كل همها تختم القرآن قد ١٤٥ مره علشان رمضان 🤔

الحسنه بعشر أمثالها صح
والنظر في المصحف عباده صح
لكن الكلام ده للمتعبد المتدبر✋🏻
لكن مقراش القرءان كأنه جرايد واستنى أى اجر ..مقراش بسرعه جداااا كانى فى مسابقه عداد حروف واستنى اجر!!!!
افلا”يتدبرون……” أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا
الاجر والثواب بقدر مشقه القراءه؛ والتدبر بنيه التعبد ✋🏻

٢- الصيام عباده مش فلكلور ولا طقوس 🙄

الصيام من غير صلاه جائز .. لكن مقبول أو غير مقبول ده تقدير الله للعمل
لكن بالمنطق كده ينفع اشترى هديه غاليه واحطها فى كيس اسود شبه اكياس الزباله🤔
انتى عملتى كده بالضبط …صمتى ومصلتيش صيامك محسوب لكن منقوص وفيه حاجه غلط 😒
قدمى لله العباده باحسن شكل
الصيام عبااااده مش فلكلور

٣- صلاه المراه فى المسجد

لو هتعمل فتنه أو كانت لغرض تانى

يبقى كفى اذاكى وصلى فى بيتك 😒
الاسدالات الضيقه والضحك فى الشارع والمرواح للمسجد علشان العريس😊كل دى نوايا ملهاش علاقه برمضان ..ممكن ليها علاقه بشم النسيم 😂
صلاه المراه فى بيتها ليه اجر اكبر لانها أرادت الستر

٤- العزومات الكيديه🙄

ليه تعزمى فلانه أو علانه وانتى قصدك تجبيها لغرض تانى خاااالص غير افطار صائم !؟؟ اجر افطار صائم عظيييم بلاش تضيعيه فى هيافات وهفوات دنيويه مش هتطولى منها غير المرض البدنى والنفسى …ارتقى بعباده افطار الصائم ..ولو مكنتش لله بسسس يبقى متعمليهاش✋🏻

٥- تخلى وتحلى 🙂

هاتى ورقه وقلم واكتبى صفه عايزه #تتخلى عنها واتدربى فى رمضان على ده جاااامد علشان الجهاد وانتى صايمه أثره كبير وفعال …
واكتبى خلق عايزه #تتحلى بيه
وبرده اتدربى عليه ولو بالتصنع لحد ما يبقى طبع اصيل وثابت
يعنى مثلا صفه الصبر
انما الصبر “بالتصبر” يعنى اعملى نفسك صابره لحد ما يبقى الصبر صفه فيكى ..

٦-التلفزيون😏 

عامل زى الخمره مسكر ومذهب للعقل وللضمير ومضيع للحسنات… لان مفيش اصلا مسلسل محترم ولا هادف علشان تقولى انا مبتفرجش على حاجه حرام😒
ولو هتتذاكى وتقولى اتفرج بعد الفطار 😂
هو بعد الفطار بقيتى فى شعبان مثلا 🤔
انتى لسه فى شهر الصيام والله 😊
والصيام مش جوع بطن بسسس
الصيام انك تصومى عن أى حاجه بتضيع حسناتك ووقتك
#التلفزيون_ممحقه_لبركه_الصيام

٧- حجابك

لبس الحجاب أثناء الصيام ونيه خلعه بعد انتهاء رمضان ده استهزاء بالدين وباحكام ربنا 😊

٨-اختارى شيخ “ثقه وعفيف”يعنى مش مشايخ سلطان ✋🏻😒 واسمعى دروسه فى رمضان على تليفونك ..كل يوم درس.. مثلا وانتى بتطبخى وانتى بتنضفى… هتحسى انك فى عالم لوحدك 😍

٩- المواظبه على الذكر

اضبطى موبايلك كل ساعه على ذكر علشان متنسيش
..واهتمى باذكار الصباح والمساء🙂

١٠-احب الاعمال الى الله”ادومها”وان قل

يعنى متدخليش بقوه وتيجى على يوم ١٠ تبقى فاتره ومعندكيش طاقه للصلاه ولا للعباده ..ادخلى بقوه الفيل خطوات تقيله وثابته💪🏻
وخلى فى نيتك أن كل اللى فات ده 👆👆👆
#مستمر معاكى لبعد رمضان

ربنا يتقبل اعمالكم ويبارك فى اوقاتكم❤

الموضوعات السابقة من تجهيزات رمضان

تجهيزات رمضان (المختلفة) -1

تجهيزات رمضان 2 – تنظيف فى يوم رمضان

تجهيزات رمضان 3 – خطوات للتجهيزات النفسيه والايمانيه لرمضان

تجهيزات رمضان 4 – تنظيف الشقة

 

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: