نصائح ذهبيه إلى ام البنات

فين ام البنات
لو انتى ام لبنوته
ركزى ف الكام حاجه دى 👇👇👇

 


**البنت لامها ..يعنى اى صفه سلبيه او سيئه فيكى بنتك هتاخدها من غير استئذان
**ابو بنتك غير زوجك !
يعنى اى خلاف بينك وبين زوجك مينفعش بنتك تشوف ابعاده ولا تعرف اسبابه ..
بنتك بتحب ابوها ومش هتشوفه ابداا غير بابا ..متخربيش قلبها
**متدخليش بيتك صديقه او قريبه مش ثقه (المرء على دين خليله)
**بنتك لازم تعرف ان علاقتك بالرجاله ليها حدود ..
اخو زوجك مش اخوكى ! وابن خالتك مش خالها ولا زى اخوكى ! (الحمو الموت )
**اومن ينشأ فى الحليه ..يعنى التوك والمونكير
وتغيير اللبس كل ربع ساعه ..فطره
بلاش تكبتى فطرتها بحجه خوفك على ترتيب الشقه !انتى مهمتك ايه !؟
استحملى شويه
**متجرحيش بنتك قدام اصحابها ..ولو حصل يلا صلحى غلطتك
**اعملى يوم ليكو لوحدكو البسو فيه برحرحه شويه وارقصو
وعيشوا كاصحاب دماغهم طقه  (من غير فضح عورات )
**بنتك مينفعش تبقى هى بليه البيت ,,تنزل وتشترى وتتبهدل فى الشارع
عوديها ان الاصل (وقرن فى بيوتكن) والخروج الكتير ده مش الاصل
**لما تبقى انسه صغيوره عرفيها على جسمها علشان تقدره وتنظفه وتستره
**لو بنتك نحيفه او مليانه او عندها انيميا او شعرها بيقع ..(الاهتمام بده واجبك)
**صاحبى اصحابها ومتقلليش من اختيارها ليهم ..علشان ترجعلك وقت ما تسيبهم
**ابن عمتها مش زى اخوها ..وابن خالها لما تبلغ (حرام) يشوف جسمها
**لو بتتلكمى عن جوزك بالسوء او بالاهانه قدامها
ولقتيها اتعقدت م الرجاله ومنك ! لومى نفسك
حنى عليها وصاحبيها علشان تلاقيها لما تكبرى ..وتبقى هى امك

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: