البسكوت التركي

البسكوت التركي سهل وبسيط وطعم لذيد🤔

المقادير اللازمة لعمل البسكوت التركي:

٣ كوب دقيق
٢كوب زبده فيرن أو نيوزلاندي
ربع كوب زيت
معلقة صغيرة فانيلا
نص كوب نشا
كوب سكر بودر
بيكينج بودر رشه خفيفه جدااا
٢ معلقة كاكاو خام

طريقه عمل البسكوت التركي:

1. نضرب السكر في الزبده والزيت كويس جدا
2. نضيف الفانيليا والنشا ليهم ونضرب كويس
3. ننخل الدقيق ورشة البيكينج باودر وننزل الدقيق تدريجياً ونعجن كويس جدا
4. نخلص ونقسم العجين نصين نص ابيض ونص نضيف ليه الكاكاو
5. نبدأ نعمل العجينه البيضه كور كلها وكذالك عجينة الكاكاو كلها كور
6. نجمع ٣كور من البسكوت الابيض ونجمع معاهم ٣كور من الكاكاو ونقربهم من بعض كويس
7. ونضغط عليهم بكف ايدنا ونلف العجينه تحت كف ايدنا بحيث تاخد الشكل الدائري اللي في الصورهنخلص وتريح  العجين خمس دقائق
8. وندخل علي حراره ١٨٠ لمده ٢٠دقيقه ممكن يقل أو يزيد علي حسب قطعة البسكوت كبيره او صغيره