يبقى ركزى ف ال 10 نصايح (المجربه ) دى
1-الصدقه (ما نقص مال من صدقه ) بشرط اليقين
2-ماتخرجيش ابدا ابدا ابدا وشنطتك فيها كل مصروف البيت
المصروف يتقسم بالاسبوع فى اظرف
ومتتعديش المبلغ الاسبوعى وركزى جواه مش ف باقى الاظرف
3-مترميش اى حاجه ينفع تعيدى تدويرها ..يعنى لا لبس اتقطع ولا علب كبيره ..
كل ده بشويه حيل ذكيه ينفع يغنيكى عن شرا حاجات كتير
4-مترميش اى اكل نهائى
كله ف علب وع الفريزر ..
طالما عندك نت اهوه ماشاء الله يبقى اتعلمى تدوير الاكل البايت وتحويله لاكله تانيه لذيذه ومشبعه
5- متستخدميش تموينك من العلب الكبيره …
يعنى الصابون السايل مثلا خدى من الجركن وخففيه بخل فى علبه صغيره …
الزيت متستخدميش من الزجاجه الكبيره ال 3 ليتر مباشره لا ..صغرى حجم الاستهلاك ف عينك
6-دورى على البدائل الموفره ..يعنى
* بتفطرى بره البيت
لا اعملى فطارك اضمن واوفر
*بتشربى شايات كتير ف الشغل ..
لا خدى ترمس معاكى من البيت
.*الاكل بيخلص على قد الوجبه ..
لا اتعلمى تزودى الوجبه بالخدع اللى بتزود الطبق وتكبرحجمه
7-الفاكهه هاتيها بالاسبوع ..واعملى سلطه فواكه ..
لان سلطه الفواكه ولو بنوعين بس من الفاكهه هتوفرلك جداااا
8-امنعى الشيبسى والبيبسى وكل حاجه تجيب المرض ..لانها بتخلص الفلوس
9-اعملى حصاله واى فلوس تفيض من المبلغ الاسبوعى متحطيهاش على الاسبوع اللى بعده
لا ..حطيها ف الحصاله ..
وشهر على شهر هتلاقى مبلغ محترم ممكن تشترى بيه حاجه محتاجاها
10-متجريش ورا عروض وهميه ..
الحقى قبل نفاذ الكميه والحقى قبل ما تغلا والحقى العرض عليه واحده هديه
عيشى حسب امكانياتك وهدفك الاسبوعى ..
ولو اتبقى اخر الشهر فلوس اشترى عروض براحتك
يارب نصايح النهارده تفيدكم 
